噬亡村︱Do姐大讚柳樂優彌演技出色 教路拍檔︰如果想攞獎要學嘢
撰文：莫匡堯
出版：更新：
Do姐熱愛睇戲睇劇就人所共知，她最近愛上的並不是以靚仔男主角為主導的浪漫韓劇，反而是Disney+ 獨家原創的驚悚日劇《噬亡村》！故事講述關於一個警察到神秘村落出任，赫然發現當中村民的秘密，以及流傳於世的食人傳說！劇集將於每逢星期三更新一集，明日（11日）將會上映至第四集。
雖然故事詭秘，但Do姐對於該日劇的製作讚不絕口：「平時驚悚片通常都係虎頭蛇尾，頭一集營造得非常懸疑，之後就拖慢節奏。但今次《噬亡村》節奏拿捏得非常出色，頭三集進展好快但會令到你不停估邊個有陰謀！」
再者，Do姐更大讚男主角柳樂優彌的出色演技：「佢絕對係演活咗呢個角色的人物設定，不愧係曾經拍是枝裕和電影《誰知赤子心》奪得康城影帝，咁多位拍檔如果想演戲攞獎唔該學吓嘢啊！不過除咗男主角外，其實其他演員都表現得非常好，所有人都好似有陰謀咁，但你又唔知佢係咪，所以先好睇！」
一眾拍檔都對該劇大讚，余迪偉更盛讚劇中的小女演員志水心音：「佢喺劇中由開頭天真浪漫好可愛嘅樣，去到之後受驚粒聲唔出嘅演技，非常出色，完全配合到劇集嘅氣氛！」