正義迴廊丨33歲麥沛東下月與女友拉埋天窗　生日求婚講漏兩句

恭喜！《正義迴廊》票房直逼二千萬， 戲中飾演「唐文奇」、初擔大旗做男主角的麥沛東將於下月17日與拍拖五年的女友Sherraine拉埋天窗，他更憑該片奪得第46屆香港國際電影節「新秀電影競賽(華語)最佳男演員，可謂雙喜臨門！

麥沛東接受傳媒訪問時，透露與女友是在中英劇團初次邂逅，拍拖不久已認定對方是結婚對象。現年33歲的麥沛東，在去年11月8日自己生日當天向女友求婚，並安排酒店staycation給予驚喜，二人都感動到喊；但原來當日麥沛東身體不適見頭暈，求婚成功後立即大覺瞓。

麥沛東曾在IG分享求婚點滴，「我求完婚之後話我段求婚說話，漏咗兩句。一直都未講番。咁我喺呢度打番喇。『之前我話你比我自己更加了解我自己。係真嫁(㗎)。』當我唔需要講任何嘢，但有個人會明，而呢個人仲會好瞭解你，又會同你有話題，生活上可以互補不足，仲要好快樂。呢一刻你就會知道你遇上對的人。有人問我點解想結婚，我會答『因為在對的時間遇上對的人』#最好的生日禮物。」

麥沛東分享求婚過程：