《明日戰記》一句「我就係天幕」最洗腦　盤點張家輝電影經典對白

由天下一電影製作，古天樂擔任總監製及主演，吳炫輝執導加上劉青雲、劉嘉玲、姜皓文主演的香港首部科幻大製作《明日戰記》，上周四（25/8）終於正式上畫，短短四日就大破$2,000萬票房，走勢凌厲。而且戲中的對白更引起熱議，不過最受影迷愛戴，朗朗上口洗晒腦嘅，反而係友情客串演出的張家輝，一句「天幕就係我，我就係天幕」，一直纏綿大家。所以話，做戲，戲份真係唔使多，有演技啲一句就夠！

《明日戰記》的對白最近成為大家口頭禪，「天可以灰，地可以灰，但我哋唔可以灰」、「Ending由自己話事」、「今次大鑊，係大獲全勝」，不過再精警，都唔夠張家輝飾演的大反派李昇一句︰「天幕就係我，我就係天幕」洗腦，不少影迷稱睇完套戲出到戲院，都被呢句對白深深纏繞住。日前，古天樂接受《香港01》訪問時提到，原來張家輝的造型是他本人的意願：「家輝在自己的造型上有要求，他要求鼻樑再高一點，所以替他準備了特技化妝他想要一個很嚴肅的將軍形象，這是他自己要求的。」其實張家輝電影經典對白有一大堆，大家又喜歡哪一句？