《闔家辣》傳ERROR 11月開騷 DeeGor：計劃永遠趕不上變化

由吳君如監製兼演出，鄭中基、呂爵安（Edan）主演的《闔家辣》，今日（10/7)於觀塘APM舉行首映，有份參與演出的DeeGor@ERROR，其餘3位兄弟亦有出席首映撐兄弟場。

保錡都想ERROR 四子可以開戲，題材是本地超級英雄。（胡凱欣攝）

問到ERROR 可有想到全員開戲，拍咩題材電影，保錡就提議可以係超級英雄：「肥仔係九龍灣磨菇獸，會變成變形俠醫咁但依然係成隻磨菇。」雖然科幻拍攝成本貴，但保錡指科幻有科幻拍法，低俗有低俗拍法。至於DeeGor就強調劇本已經有齊，獨欠投資者。

保錡笑言肥仔在ERROR 電影中，會飾演「磨菇獸」。（胡凱欣攝）

傳聞ERROR 今年11月開騷，193就表示要交給公司宣布：「我們都是打工仔，要等公司安排，但我哋就好希望可以今年開到。自從開完麥花臣，前年上年都好想再開。」DeeGor：「可惜計劃永遠趕不上變化，都冇辦法答實任何事。」

對於有傳ERROR 11月開騷，193指要交由公司安排及宣布。（胡凱欣攝）