電影歇後語｜電影創作人係「橡皮蝨乸」 你又知唔知係咩意思？

歇後語，意思係「歇」去「後」半段嘅話「語」，將真正想表達嘅意思收埋，改以幽默嘅方式嚟呈現。俗語嚟講即係「曲到圓」，會明嘅人就會明。

廣東話歇後語博大精深，有好多經典電影入面嘅對白都會用到歇後語嘅手法，就好似古惑仔嘅大飛每次出場都拋幾個歇後語比大家嘆。觀眾可以一齊估，印象又深刻！
除左有效深化本土廣東話文化，亦可以隨著電影呢個媒介將廣東話帶比國際觀眾認識。講起歇後語，其實電影界入面有個講法，電影創作人係「橡皮蝨乸」，大家又知唔知係咩意思？