《闔家辣》吳君如強檢隔離14天　逼爆造型睇到鄭中基嘩嘩聲

香港受到變種新冠病毒Omicron疫情入侵，掀起第五波社區爆發，愈來愈多市民被安排強制檢測，甚至須到竹篙灣檢疫中心等指定地點強制隔離檢疫。原定大年初一上畫的賀歲片《闔家辣》，現在都因為要關閉戲院而存在未知之數。不過港產片向來緊貼社會話題節奏，《闔家辣》今日就釋出一條吳君如身處隔離中心最新影片，深入探討隔離生活，全城關注。

《闔家辣》的故事，圍繞疫情期間所發生的事創作，上年的跳舞群組事件當然有加以發揮。而戲中飾演Edan姑媽的吳君如就因為中咗招需要接受隔離。君如考慮到被隔離人士，如何消磨漫長的14天，片中就穿起80年代珍芳達aerobic裝束做運動，而為增加視覺效果，親自打造一身有胸有籮大肚腩的造型，非常醒神。

這個造型更睇到跟她玩視像的鄭中基，睇到嘩嘩聲。不過君如都怕唔夠力，特備了一字馬，以及彎腰胸湧等舞姿，令人嘆為觀止。而這一幕，就集結了梳、化、服團隊人員精製而成，可見君如花了不少心思。