開班｜美指張蚊去年零收入終捱過　挑戰做導演參加首部劇情

憑《空手道》廣為人知的張蚊也是《開班！電影美術及服裝造型十三課》導師之一，她接受《香港01》訪問時坦言去年因疫情及大肚的關係未有工作、收入，今年喜見業界逐漸復甦。

張蚊表示一月開始忙到現在，基本上戲接戲冇停生，由《源生罪》、來年的賀歲片《飯戲攻心》，甚至MV的拍攝，由美指再到自己落手落腳拍，每樣都在進步，做自己想做的事。

張蚊的手法一向注重在用色上，冷暖色系極為分明，她表示教班時當然會主力分享自己的睇法，而大家上堂又可以吸收到唔同人的處理方法，再融合成個人風格，係一件相當好的事。

最後張蚊更講到自己參加了「首部劇情電影計劃」，不過坦言今年競爭極大，唔知有冇機會：「就算冇都要照做，係自己想拍，劇本都寫咗喺到3年，係時候要擺返啲時間去專心處理，有工開就開，冇就繼續做自己嘅嘢。」張蚊自言自己團隊都有請來沒有經驗的人加入，又講到片場日日都有新鮮事，曾教自己助手金句︰「Hea住認真做」，先會控制得好情緒及幫到件事。