喜劇之王｜張栢芝試鏡唔扮乖女成功突圍　爆周星馳私下扮賭神轉身

女星張栢芝近年密密回內地搵銀，自出演《乘風破浪的姐姐2》後，不時都會登上各大節目，加上內地粉絲的愛戴，連帶她的舊訪問都被翻炒，訪問正講到她當年接拍首部電影，更是跟星爺周星馳合拍的《喜劇之王》的試鏡趣事。

張栢芝直言自己食煙之餘又有飲酒。（《喜劇之王》劇照）

張栢芝在訪問中講到一般新人都會表現出乖乖一面，戲中一幕講到要她食煙，試鏡時星爺誤以為她唔識食煙，便叫她用枱上的筆扮食煙，誰知張栢芝竟然叫星爺俾支真煙。據知星爺一面愕然，張栢芝更坦言：「我根本就是抽煙的人，我從15歲開始就抽煙，從來沒說過自己是玉女，也沒有故意騙人。」直言自己食煙之餘又有飲酒。

張栢芝試鏡時真食煙反而嚇倒周星馳。（擷圖）

張栢芝更曾笑指星爺都有浮誇一面，一次在星爺公司會面後，枱上全都是劇本，但原來都不是重點，她笑說：「入去時只見到他背面，他坐在辦公室櫈上像賭神一樣慢鏡轉過來，我心想要不要那麼裝呀！」爆料星爺私下一樣都有戲癮！

周星馳私下都鍾意扮賭神。（《賭俠2之上海灘賭聖》劇照）

點擊睇更多：

+21