劉德華疑誤傳未PS照片急刪走　58歲「真相」曝光

劉德華一向對粉絲疼愛有加，早前端午節他在官方後援會網站「華仔天地」發文祝粉絲節日快樂，當然唔少得附上一張靚仔相，不過這張照片很快便遭刪除，有粉絲趕及截圖，發現背後原因相當可愛。

早前華仔在「華仔天地」出Post，以「端午安康」為題，留下一句「每逢佳節倍思親」，附加靚仔相一張。睇落冇咩問題，但相片很快被換走，變成另一張側面相，一樣咁有型。有眼利粉絲趕及截圖，笑華仔疑似手誤上載未執相的照片而急急刪相。

重溫華仔歷年帥圖

華仔日前進行線上直播，與粉絲一同慶祝「華仔天地」創辦32周年紀念，席間他提到過去一年因生病和疫情而被迫取消個唱，歲月如梭發現自己眼角多了皺紋及長出白髮，但其實以華仔58歲之齡，身材與樣貌都Keep得十分好，兩張相都咁出色，粉絲一定唔會介意，但他出名力求完美，當然想將自己最完美的一面給粉絲看。