【澳門國際影展】《麥路人》城城親授千嬅演技：唔係咁演我會出聲

一年一度的澳門電影盛事，《第四屆澳門影展》於今日（10日）閉幕，而閉幕電影就為大家帶來早前出席東京國際電影節的《麥路人》（I’m livin’ it），包括主角郭富城、楊千嬅，演員張達明、顧定軒、劉雅瑟、黃悅珈，以及導演黃慶勳。

城城接受訪問時表示這個角色極富挑戰性，尤其是首次演流浪漢角色。郭富城：「每個人都經歷高高低低，最大挑戰是演一個流浪漢，冇住所三餐都成問題，演出時好大挑戰，好在有好導演、鮑姐、達明、千嬅，大家都認認真真付出一切，非常榮幸。」

香港01主辦《01最賞睇娛樂大獎》入圍名單出爐啦！「最有話題新聞」包括我最喜愛男歌手、車廂偷食等通通上榜！立即進入投票專頁投選五大娛樂新聞獎兼參加勁抽雙重獎，超過70萬元豐富獎品等你抽，隨時贏得終極大獎旗艦手機11 Pro Max、Dyson風筒等，仲有01積分等你換唔同禮品！

千嬅亦感恩可以參與這部電影，特別要多謝小美。「開始是小美說有個好劇本找我，戲中講到親人關係好似好近，但溝通就好遠，希望大家睇完套戲感情會有所增長。」

一個影帝，一個影后，合作上當然會有切磋，而城城更加一貫地認真。「千嬅好聰明，我對佢都有要求，不是這樣演我會出聲。」千嬅：「因為我比較遲入劇組，之前拍咗咩都唔太清楚，好在城城佢好熟劇本，好詳細地講一次之前拍咗咩，我好易上手。」城城再讚一次：「你好聰明！」千嬅回禮：「剛剛夠用啦！」