【有罪】李宗瑞案電影本周上映　《四葉草》陳少邦首擔正演淫魔

2012年台灣出現一系列令人髮指的性侵案，富二代李宗瑞向超過30名女子下藥迷姦、性侵，仲偷偷拍下影片及照片私藏，李宗瑞最終被判以39年有期徒刑。
去年內地導演魯宗岳宣布以李宗瑞案作藍本，開拍電影《有罪》，找來曾出演《赤沙印記@四葉草.2》的TVB藝員陳少邦擔正，以三級大尺度再度呈現案發過程，早前公開的預告片，有不少大膽場面。

《有罪》昨日（11/11）在香港舉行首映禮，畢業於1999年無綫電視第十三期藝員訓練班的陳少邦，演了近廿年配角，終於首次擔正飾演淫魔李宗瑞，他表示電影中有大量床上戲，他亦搏到盡全裸上陣演出，實行盡地一煲！

預告大膽畫面逐格睇

今日陳少邦再接受《香港01》訪問，就話片酬是接拍這部電影的其中一個原因，但更重要的是等到當主角的機會：「三級片男星，都好過做一個冇線嘅藝員吖！」，他續說《有罪》至少都算是自傳電影，富有挑戰性：「對於演員嚟講，演活一個人物，我覺得幾有挑戰性，同埋都真係要去揣摩下點演。」

案件發生於台灣，李宗瑞本人亦是台灣人，為何會找上香港演員擔當這個重要角色？陳少邦解釋話：「我接嗰陣，佢（導演）話啲人唔夠膽做，之前好似有講過棒棒堂嘅阿緯、吳克群，香港跟住再搵男神（王宗堯）、張建聲，話佢哋都唔接，接咗之後都推，橫掂都係，我夠膽接，博一博！」

問到已婚的陳少邦會否擔心太太呷醋，他表示獲另一半百分百支持：「壓力佢冇乜畀我，大家都盡量避免談及拍攝嘅花絮，可能會舒服啲，佢好支持我嘅，我去台灣拍外景，佢都同我一齊去。」

《有罪》將於本周四上映，陳少邦表示明天開始，連續3日有優先場謝票活動。大家未入場之前，可以先睇預告。