【失蹤】賈曉晨與阿嬌因開工變老友：佢好單純、可愛同爽快

賈曉晨（JJ）昨晚（28日）出席電影《失蹤》煞科宴，大談首次挑戰演刑事偵緝專員（CID）的感想。JJ過往演的角色多是給人柔弱的感覺，現在卻要變身為男仔頭的CID，是否不習慣？「我覺得最大嘅挑戰係外型！我一向畀人嘅感覺係偏女仔，所以我特登請教咗身邊啲從事CID嘅女性朋友，神奇嘅係佢哋都好似普通女仔咁留長頭髮，好靚，但行出嚟又有種男人氣場，眼神好凌厲，動作又靈活，我諗呢種男子氣概對我嚟講係最大挑戰。」

提到JJ在戲中與主角鍾欣潼（阿嬌）是一對好朋友，JJ更會以自己的專業協助社工阿嬌解謎破案，JJ坦言即使今次是首次與阿嬌搭檔，但已經與對方因戲結緣：「阿嬌係一個好單純，好可愛同爽快嘅女仔，我哋好啱傾，好鐘意佢。」

闊別香港一段日子的JJ坦言好掛住香港，未來會多留港工作，但為了兼顧家庭和事業，JJ直言以後不會選需要長時間拍攝的劇本，「因為小朋友爸爸（樊少皇）已經成日唔係屋企，要出去做嘢，如果連我都唔喺屋企，對囡囡成長都唔好，所以我會留多啲時間陪佢。」