【復仇者聯盟4】《漢娜的遺言》女主角秘密加盟　預告終於面世？

《復仇者聯盟4》自拍攝以來一直十分保密，就算距離上映只剩半年時間，至今仍未公開片名及首回預告。

近日難得有可靠消息流出，美劇《漢娜的遺言》（13 Reasons Why）女主角Katherine Langford落實參演《復仇者聯盟4》，仲已經完成拍攝，至於演咩角色，Marvel Studios就未有公布。

睇下Katherine Langford幾靚女，拍得住黑寡婦同紅女巫

不過，有外媒分析指，現年22歲的Katherine Langford能夠扮演的角色就只有兩個，首先是「蟻俠」女兒Cassandra Lang，仲話佢同演了兩集蟻俠女兒的童星Abby Ryder Fortson有幾分似樣。不過早前有報道指這個角色一早落實由另一童星出身的Emma Fuhrmann飾演，所以仍然有變數。

【蟻俠2】傳囡囡以少女姿態現身《復仇者4》　16歲演員Emma好靚女

演唔到蟻俠個女，仲有另一個英雄二代的角色可選擇，正是「鷹眼」女兒Lila Barton。鷹眼女兒早於《復仇者聯盟2：奧創紀元》（Avengers: Age of Ultron）中亮相，很多影迷都十分關心究竟鷹眼在《復仇者聯盟4》會以什麼姿態出場，有傳他會捨棄鷹眼身分，而女兒或有可能成為接班人。

此外，Marvel Studios主席Kevin Feige日前出席為奧斯卡評審而設的《黑豹》（Black Panther）特別放映會時，終於肯漏少少口風話今年內一定會推出《復仇者聯盟4》的預告片，不過究竟是下星期就有還是要等到12月，仍是未知之數。