【無雙】面對「票房保證」有壓力　周家怡暴瘦獲益良多

由周潤發及郭富城主演的電影《無雙》昨日（2日）晚上舉行首映禮，戲中主演之一周家怡出席首映禮時表示非常緊張：「其實我仲未睇，我都好想知道自己演出係點，我知道佢哋剪得好配樂亦好好，所以都好想睇。」雖然正式開畫是10月4日，但早在幾天前已經有優先場，家怡透露已有朋友去觀看了：「嗰個都話好好睇，一部難得嘅港產片，佢哋覺得正呀！好耐未睇過港產片，都話算係咁多年嚟好睇嘅一套。」

《無雙》可以說是巨星坐鎮的電影，全因周潤發、郭富城及張靜初等是票房保證，但這麼多巨星支持著這部電影，家怡也能在戲中也佔很重比例，聽到這裡家怡解說：「其實好多謝導演畀呢個角色我，當時我一睇劇本都要睇幾次先明白，跟住我一睇到角色係好有發揮，我好多謝佢對我有信心。」戲中角色造型上家怡說到有好大發揮，是否因為這樣有助她演技大發揮？「我拍呢一部電影其實我有袋到錢入袋，除左收片酬之外，演戲方面導演教我哋演法呢會將多餘嘅沙石抽走咗，所以變咗另一個演戲方法，所以真係好開心，獲益良多。」

問到家怡戲中其實拍攝期間角色需要暴瘦，令人懷疑是不是另一個人在飾演？「戲中其實有分前後期，曾經有人講過睇完唔知道係同一個人，佢哋話番畀佢知係周家怡嚟㗎，不過我自己未睇，所以我都好想睇下係點，我諗我都算係喺戲裡面其中一個彩蛋之一。」但家怡本身也是很瘦的女生，怎樣的方法令到她再瘦一碼？家怡笑言很簡單：「拍戲時候好集中，所以為了做好一件事，其他都唔重要。食少啲嘢，再加跑步，發哥經常教我哋跑步，都完之後發哥組成一個《無雙團》成日去跑步。」