【大星講】黃秋生點解最感激王晶？　自爆一年失5部國際片約

ViuTV節目《大星講》昨晚播出一集請來黃秋生做嘉賓，談及2014年雨傘運動後被內地封殺，翌年秋生出席香港電影金像獎時，更有行家以靚為名，慫恿他帶「雨傘」上頒獎台，其實是想他陷入萬劫不復之地，秋生雖然沒有公開對方身份，但就狠批這個人「卑劣、賤格」。

2015年的香港電影金像獎，秋生獲邀擔任頒獎嘉賓，負責頒發最佳導演獎。他在《大星講》節目上憶述當日發生了一件「衰格嘢」，「有一年金像獎，著咗件靚西裝，落雨行紅地氈，當時買咗把又靚又貴嘅遮，入後台有條友，行家嚟，佢話：『你把遮好靚喎，陣間上台攞埋上去』，我心中有數，知你咩意思，係雨傘，我話：『唔好玩啦，邊度得』，佢話：『唔係喎，好有型喎』，我話：『我真係用嚟遮雨』，佢話：『攞埋上去啦，好睇呀』，我話：『你真係想我死呀？』，然後佢話：『你都幾醒目喎』。」

秋生深知這位行家不懷好意，直言：「真係想攞把遮打佢」，形容對方的行為卑劣又賤格，又謂：「唔怕衰人，最怕人當我傻仔」。秋生指雨傘運動後產量大減，但不會為此而不甘心，因為當日發表言論時已預料會有事發生，因為「凡走過的必留痕跡」，但堅稱自己沒有支持港獨或台獨，是別人強行將「荷蘭水蓋」加在他身上，即標籤他。

秋生在《大星講》講到七情上面

其後主持人陳海琪問他最想感激哪個人，秋生思索了一會說出王晶的的名字，而且要衷心感激，「令我人生有一個好大、好深層認知，係好事，佛學上係善知識，多謝佢踩多兩腳。」至於是否有傳說中的「封殺名單」存在，他就如此回應：「我唔知，我知嘅係連鬼佬有部喺香港拍嘅戲，都有製作人話唔用得我，唔止一個，另外有部法國嘅又係咁講，今年之內，有5個人同我講啲咁嘅嘢，你話有定冇？事實就係有，我只係信事實。」

包括今年出演的英國劇集《Strangers》，秋生話所有找他拍戲的人，包括其他國家的製作，他劈頭第一句就話：「唔好諗內地，我廢事累你，我唔得」。他亦提到，事業下滑並非只因為一個原因，而是整個香港電影工業都不滯，他又自爆曾收過「陰陽合同」，但都被他全數拒絕：「人唔好貪，夠就算」。