【掃毒2】中環站實景煞科苗僑偉完成任務　劉德華︰我真係恭喜你

由邱禮濤編導，劉德華監製及主演，古天樂、苗僑偉、林嘉欣、應采兒、周秀娜、衛詩雅、陳家樂、張國強、鄭則士等主演的寰宇電影《掃毒2 天地對決》，歷時3個月的拍攝，又搭出個中環港鐵站場景，日前終於煞科，有趣是這場重頭戲，選擇在中環地鐵站實景拍攝，來個首尾呼應。

【掃毒2】為拍攝打造1:1中環港鐵站　三哥苗僑偉：真係幾可亂真

劉德華今次身兼監製及主演角色，雖然自己的戲份早已完成，不過在煞科日仍現身支持，華仔：「今次嘅拍攝真係喜出望外，無論係整個架構、或者大家嘅演出！」而作為主演之一的三哥，戲份相當重，開拍以來由頭帶到尾，足足經歷了兩個月拍攝時間，直至煞科日。三哥：「經歷了一個非常炎熱同充實嘅暑假！」至於煞科日，《掃毒2 》闖入中環地鐵站實景拍攝，三哥認為：「中環站實景同我哋搭建嘅廠景港鐵站幾乎冇分別，我哋嘅廠景實在太真喇！」

【掃毒2】劉德華難忘真假中環站　「拍完先知唔同站有唔同顏色」

三哥歡迎大家合照
問到三哥幾耐冇搭港鐵？三哥：「我間中都會搭！如果大家搭車時見到我，歡迎搵我影相！」而去到完成一刻，三哥就特意跟監製華仔講句：「我完成任務啦！」華仔也搞笑回應：「三哥，我真係恭喜你！」煞科當晚劇組人員開香檳慶祝，問到導演邱禮濤有咩感想？「快啲開下部戲！」華仔接著笑說：「快啲搵我監製下部戲！」三哥就好似接龍咁：「快啲搵我拍下部戲！」簡單一個對答，已見三位甚有默契。