【掃毒2】劉德華難忘真假中環站　「拍完先知唔同站有唔同顏色」

由邱禮濤導演執導，劉德華、古天樂、苗僑偉三大影帝加視帝主演的《掃毒2天地對決》，終於完成拍攝。今晚（30日）劇組假尖沙咀馬可孛羅香港酒店舉行煞科宴，除上述三位猛男外有鄭則士、林嘉欣、張國強及林珊珊等均有出席。

對於導演與幾位主演合作有沒有新火花，邱禮濤就表示：「今次都好有火花，華仔、古仔、三哥加上嘉欣呢個組合，真係第一次。」難得合作，首次與華仔拍檔演夫妻的林嘉欣就表示相當難忘：「雖然係第一次演夫妻，但相當有夫妻感覺。最難忘係同佢演完最慘嘅一場，就要立即演最甜蜜嘅一場」，相當考驗二人的演技。

《掃毒2》其中一個最觸目的地方就是搭解出幾可亂真的中環站進行拍攝，但原來劇組除了在搭景拍攝外，亦有在真的中環站拍攝。而問到華仔最難忘的，竟然是中環站的「顏色」：「我都十幾年冇搭過地鐵，有次探三哥班去真嘅中環站，先知原來唔同站有唔同顏色，真係大鄉里出城。」如果劉德華現身中環站被發現，相信會令本來經已水泄不通的中環站出現暴亂。