【周末午夜場】黑色喜劇《死開啲啦》　唔理人定殭屍都要煩磚頭

在今時今日的香港，「做隻貓，做隻狗，不做人」可能是不少打工仔的心聲，不過不要以為唔係人，就不用煩惱土地問題。
今晚翡翠台深夜時段將播映由林德信、雷深如等主演的《死開啲啦》，電影講述百年殭屍在21世紀的香港意外被驚醒，卻連劏房也住不起，驟眼睇以為是超現實世界觀，實情是話知你係人定殭屍，一樣要頭癢買樓啊！

《死開啲啦》是無綫導演梁國斌首次執導的電影作品，除了男女主角，還有張繼聰、吳浣儀、河國榮、盧覓雪等助陣，用殭屍元素和黑色幽默包裝沉重的土地問題，用荒誕的設定拍出異常貼地的故事。雖然2015年上映時票房不算標青，卻收獲相當正面的評價，雷深如更憑此作入圍香港電影金像獎最佳新演員。

雖然片名叫《死開啲啦》，主題曲卻是陳奕迅主唱的《恐龍進化論》，兩者聽落毫無關係，其實聽過首歌就會發現恐龍跟地產商原來都有共通點，「透支已經全失去平衡，再沒有比重」、「樣樣為搶一窩蜂佔有，懶理有冇用」、「不是真理，自由有裂縫，卻為貪心所以未信」等歌詞亦配合劇情串盡地產霸權。

不過Eason首歌固然好聽，仍不及吳浣儀搶鏡，她在戲中飾演嫲嫲，由最初非常驚殭屍鄧顯祖，到後來慢慢習慣他的存在，連阿祖離家出走都要特意去找他回家，演活細心、溫暖又囉唆的嫲嫲，又有「住邊樹」、「趕你扯」、「我頂爆你個肺啊」、「霉髧墮」、「攬炒」、「冚家有事」等地道台詞。如果當年上映時錯過了這部電影，今晚記得要準時開電視。