【蟻俠2】未開畫先開戰　估你唔到蟻俠廣東話叻過黃蜂女

「蟻俠」保羅活特和「黃蜂女」伊雲祖蓮莉莉早前為電影展開全球宣傳活動，見香港就上畫，都特別眷顧香港影迷，尤其是拍過港產片《特警新人類 2》的保羅活特對香港份外有親切感， 二人專誠為香港 Fans 拍了多段短片，大玩地道笑料，玩過奶茶、廣東話同中文書法，簡單一個大小比例和爛 Gag，贏盡香港影迷歡心。

驚喜陸續有來，原來壓軸仲有另一條精心製作的重頭戲短片，香港宣傳請來 DJ Donald、少爺占、朱 薰和麻利，以上集「蟻俠」老友路易的咪咀扮聲一人分飾多角叙述事發經過的經典場面為 藍本，製作了一個搞笑本地版，最驚喜仲有特別嘉賓葛民輝一齊玩，最後更有 Marvel 式 招牌彩蛋。而呢個彩蛋就睇到蟻俠真係好鍾意香港，因為佢講廣東話幾準幾有heart。