《死侍2》新角Domino激似邵美琪 主角賴恩最怕同另一賴恩撞樣
撰文：陳穎思
出版：更新：
正所謂「人有相似，物有相同」，要搵個同自己生得一模一樣嘅人就絕無可能，但生得似樣嘅可能隨處都搵到，就好似《死侍2》（Deadpool 2）入面飾演「Domino」的美國女星Zazie Beetz，去年其劇照初登場時，就被網民話似足香港女星邵美琪（Maggie），宜家電影都上埋畫，大家睇戲時有冇真係撈亂「Domino」同邵美琪？
翻查舊相，記者發現Maggie的髮型都幾多變，由女人味十足的直長髮、幹練短髮，以至型格爆炸頭都試過，而她留著爆炸頭時就最似「Domino」，乍看都幾可亂真。雖然兩位演員年紀相差26年，可謂大纜都扯唔埋，但兩者都有個共通點，就係身材火辣，Maggie近年就甚少行性感，但早年她曾接拍瘦身廣告，穿上比堅尼大騷身材，與Zazie平分秋色。
【死侍2】放大鏡都未必睇到！ 六大你不知道的客串角色【死侍2】電影公司又有宣傳新招 未來戰士猿人變晒Deadpool【死侍2影評．劇透】比上集更癲更喪更好笑 撞橋劇本弱美中不足【死侍2】兩男cosplay死侍都要拉？ 原來真係犯咗法【死侍2】狼人、死侍鬥氣10年擦出「愛」火 根本係最襯銀幕情侶
除「Domino」之外，飾演「死侍」的賴恩雷諾士亦經常被指撞樣，最多人談論的，就是他跟另一位荷里活男星賴恩高斯寧（Ryan Gosling），兩位型男不止同樣生得高大靚仔，連個名都撞埋叫「Ryan」，難怪賴恩雷諾士都忍唔住話：「其實我同高斯寧」係兩兄弟。