【韓索羅：星球大戰外傳】C-3PO 41年來首缺席　演員變Chewie老友

雖然近期《復仇者聯盟》出盡風頭，不過都不可睇少老前輩《星球大戰》的影響力，即使沒有看過系列任何一部電影，都會對戲中角色略知一二，特別是Chewbacca、R2-D2等大受影迷喜愛。不過原來接下來上映的新戲《韓索羅：星球大戰外傳》，服務影迷幾十年的C-3PO竟然冇份，唔通驚佢太搶鏡？

《星戰》系列近年固定每年都會推出新戲，今年輪到《韓索羅：星球大戰外傳》（Solo：A Star Wars Story），但對此作有期待的影迷聽到以下消息可能會有點失望：幾朝元老C-3PO將會缺席新作，亦是它首次沒有在《星戰》系列電影中出場。

C-3PO由1977年開始一直是《星戰》固定班底，跟R2-D2的戲份雖然近年明顯減少，但每每上映新作，不少星戰迷仍非常期待在戲中再見到這對最佳拍檔。「天行者」Mark Hamill早前曾透露飾演C-3PO的演員Anthony Daniels會演出《韓索羅》，令他成為唯一一個已確認演出過至今所有《星戰》電影的演員，可是《韓索羅》編劇近日接受外媒訪問，大爆原來Anthony Daniels今次另有任務，「他會演一個完全不同角色，一個幫助主角逃走的Wookiee，是Chewbacca最好的朋友，更獲邀齊齊逃亡。」雖然少了個經典角色，但有機會睇到Chewie在跟韓索羅的羈絆和想拯救同類的責任之間的掙扎，叫做補返數！