【影視博覽】《真．三國無双》首預告逐格睇　古天樂要為呂布增高

改篇自著名人氣格鬥遊戲的真人版電影《真‧三國無双》，自開拍以來備受全球各方關注。電影經過歷時 9 個月的籌備、近半年的拍攝，以及在紐西蘭實地取景，完全結集了導演周顯揚，以及監製杜緻朗的心血，而首條預告亦在影視博覽的記者會上率先曝光。

當年導演有埋金手指過關
萬眾期待的《真‧三國無双》終於首次展示先導海報以及先導預告片。電影預告約長50秒，預告用上遊戲的原版音樂，倍覺親切。從片段可以見到，多個重要角色出現，包括呂布、劉備、關羽及張飛等人。原來一眾台前幕後都是遊戲的粉絲，導演周顯揚指古仔都係其中一個。周顯揚︰「這是一個難得機會，可以改編此遊戲，自己細個為咗過關，會走去買金手指，所以得知可以以改編時好高興，單單係事前同演員傾演出，都反覆傾咗7，8次。」而導演更大爆兩年前，同韓庚講會改編這個遊戲，他眼都凸出埋嚟，證明遊戲的魔力真係驚人。
 

講到拍攝，一眾演員為角色確實犧牲不少，如張建聲飾演張飛，因為體型唔啱，要刻意再增磅，而且佢亦表示好多武器及其他裝備，打鬥時綁手綁腳。古天樂拍攝時更傷及眼睛，可見有血有汗。不過都有開心事分享，古生笑稱為演呂布一角，要「增高」，只係拍畢後便回復原本高度。《真‧三國無双》由中國數碼娛樂有限公司、北京拉近影業有限公司、霍爾果斯樂風影視有限公司、耳東影業（北京）有限公司、太陽娛樂文化有限公司、捷成世紀文化產業集團有限公司聯合出品。
 

林雪︰「我都為角色增咗少少肥」
對於呂良偉飾淚的「袁紹 」，被網民稱100%似，他指是︰「導演和形象設計師功勞，我拍攝後觀看漫畫裡的原角，自己都覺得似，好開心。」另外，飾演董卓的林雪眼見眾多演員為電影犧牲身型，他笑言「增咗少少肥」。對於如何演繹董卓，他笑言其演繹的方式係好色，至於如何學習好色？ 他笑稱是「與生俱來」，所以好鍾意顏色。

預告片畫面逐格睇