【大樂師．專訪】顏卓靈苦練3星期學識彈琴 導演馮志強呼風喚雨
近日上映的港產片《大樂師．為愛配樂》是非常少見的輕喜劇類型，更找來香港影壇笑匠鄭中基主演，而女主角則是新生代實力派代表顏卓靈（Cherry）。面對鄭中基這位大師級搞笑前輩，Cherry有否從中偷師？而導演馮志強又對這位新一代香港女演員有什麼看法呢？
說到在《大樂師．為愛配樂》中如何面對鄭中基的笑彈攻擊？顏卓靈就表示：「好彩今次搞笑位交咗畀姜皓文同白只，令我對住Ronald唔駛忍笑忍得咁辛苦！不過鏡頭以外佢就成日引我笑。」Cherry邊笑邊回憶拍戲的種種。她笑起來常常有點傻大姐的感覺，滿有喜感，那麼Cherry又是否喜歡輕喜劇形式的電影呢？
「我好鍾意呀，因為我覺得自己都有少少白痴，拍喜劇係開心好多。拍《大樂師》之前拍咗《六弄咖啡館》同《尋龍訣》，都係沉重好多嘅戲，一跳跳去拍《大樂師》成個感覺真係開心同輕鬆得多。」既然如此，Cherry日後可以多拍這類電影，讓觀眾見多些她的招牌傻大姐笑容。
相信大家看過戲或劇照後，都對那個美不勝收的魚排留下深刻印象，Cherry就話連她都好享受：「我真係好鍾意個外景，日日搭船出魚排，真係好舒服！成日都好想瞓覺，但總係瞓幾分鐘就畀工作人員叫醒。嗰度真係有好多回憶，咁大個女我第一次見到雙彩虹，勁難忘！就算曬黑都抵！」值得一提的是《大樂師》的美術總監是陳七先生，全賴他才會有如此美麗的魚排。導演說：「魚排由我們一手一腳搭出來，正常魚排唔係咁，唔會有一間屋喺上面！我哋花咗個幾月喺海上一磚一瓦咁搭成。」但遺憾在拍完電影後，這個美麗的魚排為避免做成環境問題而摧毀了。
做導演往往要把控劇組的大小事情，但有樣東西卻是有天大能力都控制不了，就是天氣！Cherry笑言馮志強導演今次是「要風得風，要雨得雨。需要落雨時落雨，天晴時天晴。」而馮導演表示這些是巧合之餘，原來即使有天氣的意外，只要發揮想像力與創意就能化不幸為機會：「跳舞嗰場本身唔預落雨，但後尾唔知天公造美定唔造美，突然落大雨，我哋又諗到dancing in the rain都唔錯，結果將錯就錯效果都幾好。」創作力量同幻想真的會嚇你一跳，轉危為機就是如此。
作為首次合作，馮導相當欣賞Cherry的勤力與專業，戲中Cherry不時大展琴技，很多人見她懂跳舞，以為她出身富家和從小學琴，但其實不然，原來她是完全不會彈琴。而為了「大力妹妹」這個角色，Cherry可說是費盡心思。得到導演力讚：「佢係一個好有天份嘅演員，本身諗住搵個識彈琴嘅演員，可以學少樣嘢，點知最後佢用3個星期就學識彈半首歌，而且我本來叫金培達編得容易啲，但後尾發現Peter點編都係咁難。所以Cherry真係好畀心機演好呢個角色。」
由一個本來連譜都不會看的人，到拍完《大樂師》後可以完整彈一整首《沒聽過的歌》，甚至在Ronald的演唱會上為他鋼琴伴奏，整件事亳不簡單之餘，亦見Cherry學習能力之高以及相當有韌性。不過既然Cherry在演戲的同時亦開始音樂事業，年前成為一名歌手出道，或許在《大樂師》的soundtrack中可以加入Cherry獨唱或與Ronald合唱的《沒聽過的歌》！