【棟篤特工．專訪】波多野結衣賀歲第一次 最愛黃子華玩Cosplay
本年度賀歲片《棟篤特工》，由黃子華、佘詩曼、C君、蘇麗珊等落力主演，更有多達近30位名人紅星客串支持，劇情爆笑又過癮，結果開畫幾日就突破1,500萬港元票房，成為同檔期華語片No.1，成績斐然。而在眾多串星之中，相信觀眾都有留意到，來自日本的「AV女神」波多野結衣也有份參演，第一次來香港拍電影，到底女神遇上子華神會有什麼化學作用？不如齊齊聽下結衣點睇。
攝影：黃國立
【棟篤特工】上映2日票房達1100萬 單日入場人次更超越《黑豹》【棟篤特工】大陸上映無期 子華擺脫票房毒藥要靠巴打撐
在亞太區有兩個人氣爆燈的「結衣」，一個是「國民老婆」新垣結衣，一個是「暗黑林志玲」AV女優波多野結衣，二人風格有別但同樣俘虜萬千宅男心。日前後者就到香港為《棟篤特工》做宣傳，唔止到戲院謝票，更同本地觀眾拜年。於訪問時提起「宅男」波多野結衣話在她心中有一個非常突出，當然就是靠《棟篤特工》報捷而搣甩「票房毒藥」稱號的子華神啦！
點解話子華是「宅男」？原來因為在戲中他有一段和C君齊齊扮宅男的情節，子華更有各種Cosplay造型，正好這就是波多野結衣參演的戲份，她笑說因為從未見過子華真人，而一到片場時他已經化好妝換了Cosplay衫勁風趣，所印象好深刻。「其實我之前唔認識佢，都係因為今次工作先睇到佢一啲資料，到真係拍攝時，於現場有交流，雖然大家語然不通，但佢好好人，好照顧各位工作人員，又會盡量用英文同我溝通，指點我走位同俾反應之類。」對充滿學識又有紳士風度的子華，波多野結衣讚不絕口，更表示在一齊工作和欣賞過他的電影後，自己已經成為他的粉絲，有結衣做影迷，相信子華都一定勁開心。
點圖放大更多靚相：
【有片】棟篤特工票房勁 AV女神波多野結衣拜年：祝大家出入平安
對於第一次正式接觸黃子華，波多野結衣除了覺得他好溫柔外，還感到有點可惜，為什麼？「因為我哋實際同場唔多，主要接觸都係拍攝時間，未能見識到大家口中最搞笑一面嘅子華，好可惜，希望有機會再同佢合作。」女神開到口想有進一步合作，子華識做啦！難得結衣BB一場來到香港，我們當然不止和她談黃子華，訪問中她還有說到另一位老拍檔「達哥」，想知詳情就敬請留意《香港01》的報道。
化妝：Kasau Chan
髮型：Yan Chan、Mendi Law
【棟篤特工】黃子華拍片鳴謝28位串星 「多謝大家拯救票房毒藥」【棟篤特工】黃子華做埋導演工作？ 導演：佢會幫手教演員點做