【棟篤特工】波多野結衣出私伙迎子華　下周陪你過情人節

賀歲片《棟篤特工》，除了有黃子華同佘詩曼主演，客串的演員陸續登場，繼之前講過會有蔡少芬、吳君如、蘇麗珊、鄭欣宜、苑瓊丹後，今次再多一個男士們的女神加盟，而且佢神級的地位，建立於陪你度過無數個寂寞夜晚，慰藉躁澀心靈的真女神︰波多野結衣。

係咪做特工就要多女人緣呢？身為港版007嘅Mr.Chan（黃子華飾），今次在《棟篤特工》入面就有大量美女相伴，其中更有男士們夢寐以求，經常細細個睇到大的波多野結衣，非常有話題。

據電影公司介紹，今次波多野結衣會在戲中飾演返自己，而戲中出現的黑色和服更加係出動私伙，親自由日本帶來片場。完完全全地演繹「暗黑林志玲」這個稱號。

平時欣賞女神的演出，都係要收收埋埋細細個Mon咁睇，今次有得光明正大，有得在大銀幕上睇到波多野結衣的客串演出，真係好令人心花怒放。原來為電影宣傳，波多野結衣下星期一會現身首映，星期三14/2 情人節仲會在圓方The Grand舉行一場男士專屬場，陪同全院300位猛男嘻嘻哈哈，千載難逢機會，大家要珍惜。