【棟篤特工】黃子華做悔婚男　陳慧珊謝安琪爭住拍片鬧衰佢

做特工總是多情？黃子華在狗年賀歲猛片《棟篤特工》內飾演一位多情特工「Mr.Chan」，因為執行任務而向 madam 佘詩曼悔婚，令到阿佘對佢恨之入骨，誓要玩謝 Mr.Chan。
不過 Mr.Chan得罪的女人又何止一人，早前電影公司便找來16位女星，齊齊發炮鬧衰佢。

黃子華飾演的Mr.Chan，人生中究竟激嬲過幾多個女人呢？電影公司便找來一眾「Chan女郎」齊齊數臭佢，當中包括黑人白人阿嬋大媽，以及16位女星，包括有參演《棟篤特工》嘅佘詩曼、蔡少芬、吳君如、蘇麗珊、鄭欣宜、苑瓊丹。

至於冇份演，但都要出來鬧兩句的就有周秀娜、胡杏兒、陳慧珊、廖碧兒、陳法蓉、雨僑、僅得10歲嘅 Celine （譚芷昀）同 4 歲妹妹 Dion。更估唔到嘅係有兩位天后神奇現身，就係莫文蔚及剛剛產後復出的謝安琪，仲有定居加拿大，好耐冇見的李婉華！其實條片去到最後大家都係對子華念念不忘，而今次電影公司炮製這條「Chan女郎」宣傳片，被邀請拍攝的女星全部都一口答應，可見大家對子華的愛與恨非常濃烈，好有女人緣。