《閨蜜2》揚威國際奪三大電影奬　薛凱琪黃真真恨拍印度版　

黃真真導演嘅作品，一向相當受到都市女性歡迎，最近佢第4度同薛凱琪合作，新戲《閨蜜2之單挑越南黑幫》未正式上畫已獲多個電影節嘅評審支持，於美國及印度電影節奪得三個獎項，揚威國際之餘仲引嚟外國片商洽談購買電影版權，薛凱琪都不禁話相當期待，仲爆出一個小秘密。

由薛凱琪、陳意涵、楊子姍望演嘅《閨蜜》，2014年於內地上映4日票房已超過1億，並喺兩岸三地贏盡口碑；呢次續集3月先上映，不過已經喺國際電影節中得到肯定，先後於美國洛杉磯舉行嘅2017世界民族國際電影節，以及2017印度國際電影節同時獲頒「最佳故事片獎」，而喺印度國際電影節更奪得「最佳攝影獎」（陳楚強）。

【閨蜜2】薛凱琪張鈞甯玩素顏全都係假話　陳意涵講到做到好天真薛凱琪跟同片演員成閨蜜：賺到了友誼

談到《閨蜜2》的拍攝趣事，薛凱琪及陳楚強齊聲表示對戲中女主角著得最少布那一幕特別有印象。劇情講述薛凱琪、陳意涵同張鈞甯被堆於沙中，起身後以樹葉遮身搵衫替換，陳楚強笑言是他拍得「最開心」一幕，但阿FI就話：「我最擔心係塊葉，拍之前係咁問導演可唔可以揀葉，就好似揀衫一樣(有十幾廿條揀)，問導演可唔可以揀塊大D嘅葉，因為芭蕉葉一抱就爛，不停拍不停換啲葉，過程非常狼狽搞笑，到最後都無理連唔連戲，因為啲葉已經爛晒無辦法。」