【臥底巨星】李榮浩獲導演關照陳奕迅呷醋　哭訴︰我吃力不討好

由谷德昭執導，陳奕迅、李榮浩、李一桐主演的全新動作喜劇《臥底巨星》，即將在香港上映，而大隊首先到南京、杭州、武漢和廣州謝票，早前就去到北京舉行首映發佈會。活動上Eason突然爆料，話自己飾演功夫巨星元豹，被劇組冷待，大家專注都去晒李榮浩身上，搞到佢呷晒醋。

在發布會上，Eason講番點解要呷李榮浩醋，事關佢本身係第一批加入劇組的演員，一直都受到導演谷德昭專注教戲，不過隨住李榮浩加入，Eason就話谷德昭跟自己的距離就愈行愈遠：「榮浩每個鏡頭都令導演笑得很開心，但我的部分好像吃力不討好。」以為Eason講笑搏宣傳，原來唔係，佢講到自己真係因為情緒不好，演出隨即被影響，劇組更要停機10分鐘讓不在狀態的他休息再來過。

Eason更在訪問間，向導演吐心聲，覺得他「錫哂」李榮浩。而當見到二人有講有笑時，就感到自己被忽略，期間更真係哭出來。這段直白，也殺谷德昭措手不及，連忙解釋：「因當時Eason已入組一段時間，覺得他已經揣摩到豹哥的角色，所以才多多照顧新加入的李榮浩。」谷德昭感謝Eason令他明白做導演應平衡兼顧每一個演員。能夠講清講楚，咁就咩誤會都釋除啦！

其實戲中，Eason跟李榮浩關係非常密切，陳奕迅飾演的過氣功夫巨星元豹，因認識泰國黑幫老大而被懷疑參與跨國販毒。李榮浩飾演的鐵柱，為幫偶像洗脫嫌疑，潛入元豹劇組努力配合警方收集證據，不料卻陰差陽錯地晉升為電影男二號，並戀上了李一桐飾演的女一號童童。