【捉妖記2】梁朝偉定名電眼賭徒　楊祐寧腳踏飛鷹登場

將在2018年農曆新年檔期上映的《捉妖記2》，好早已經開始宣傳行動，帶胡巴去行Fashion Show，又同MC Jin返紐約Rap。日前亦公開全新角色海報，大家期待的梁朝偉終於現身，並以電眼賭徒一名排頭位上陣。

未有《戰狼II》出現前，《捉妖記》挾24億之數的確可以稱王稱霸，所以第一集未上完，已經早早落實要開第二集，更卡士加碼，找來梁朝偉及楊祐寧加盟。日前電影推出角色海報，而被稱為捉妖天團的演員當中，又以梁朝偉最為矚目，據知他是繼《天下無雙》後，事隔15年再演古裝喜劇。偉仔的角色叫屠四谷，人稱「電眼賭徒」，相信他的加盟會以耍師為己任。

另外同樣新加盟，台灣型男楊祐寧飾演的雲大哥，在戲中亦是擔任捉妖天師，一身黑色長袍腳踏飛鷹，在眾星中最Chok。至於《捉妖記》的原有班底，胡巴的「妖阿爸」白百何及「妖阿媽」井柏然，依然大大個喺度，還有上集一出場已令人發笑的曾志偉與吳君如。今集將會以全新故事開始，天蔭（井柏然 飾）帶著小嵐（白百何 飾）踏上尋父之路，而重回永寧村的胡巴再度被妖王追殺。與此同時，江湖盛傳胡巴的重金懸賞令，令人魔神三界聞風而動，一場腥風血雨即將來臨。