蔡卓妍爆容祖兒讚朱栢康眼神不羈　張繼聰︰終於同時代品味接軌

2025蛇年賀歲電影《祥賭必贏》，昨日（8/1）舉行宣傳活動。戲中幾位主角蔡卓妍、張繼聰、朱栢康、邱士縉及吳家忻（Kayan9896）都有出席。戲中阿Sa要演一個病態賭徒，而現實中她亦喜歡打四圈，更成為戲中拍攝時的半個顧問。

對於Stanley爆阿Sa欣賞朱栢康靚仔，阿Sa坦白承認︰「老實講，我本身覺得朱康係幾靚仔。」呢個時候張繼聰衝出來幫手補充︰「觀眾未必知佢個靚仔標準係咩，佢係話朱康同劉俊謙係同一個程度嘅靚仔。」阿Sa聽後再加以解釋︰「靚仔有好多種，唔好定義咗某幾種先係靚仔，而我呢個感覺係連容祖兒都認同，因為我同Joey有私下傾過呢個問題，佢係覺得朱康眼神好不羈！」

阿聰聽到都一臉滿意︰「我都戥啲兄弟開心，成隊朱凌凌終於同時代品味接軌，佢哋領先好多年，終於大家都追到。」阿聰還透露朱凌凌正準備出新碟，阿Sa即刻舉手要做MV女主角。記者問到需唔需要同朱康有親密接觸？阿Sa︰「諗起都面紅呀！」