魷魚遊戲2︱第7集犯低級錯誤驚現穿崩位　網民不滿︰咁都睇唔到？

Netflix大熱韓劇《魷魚遊戲》（Squid Game）第二季相隔3年終於回歸，熱潮再次席捲全球，更帶挈劇中演員人氣急升。儘管本季口碑兩極，仍無礙劇集再刷新Netflix紀錄，成為首部全球93個地區登上第一位的劇集。不過《魷魚遊戲》卻犯下低級錯誤，在最後一集竟然出現穿崩位，隨即引起網民熱議。

過去都曾經有劇集出現穿崩位，就連被封為神劇的《權力遊戲》最終季都驚現水樽，大製作的《魷魚遊戲》竟然都有穿崩位。第7集劇情講到主角456成奇勳率領其他玩家搶搶反擊後，玩家與面具工作人員展開激烈槍戰。播至約22分20秒左右，當朴成焄飾演的趙賢珠開槍時，畫面右上角竟然有攝影師入鏡。

有不少網民將劇集畫面截圖分享到社交平台後，事件隨即被瘋傳兼洗版，有人認為《魷魚遊戲》第二季本身已經有不合理的劇情，如今再有穿崩位，絕對不能接受：「導演同剪接咁都睇唔到？」、「第二季太多bug」、「真係快到差啲睇唔到」、「不要以為穿黑色就不會被發現」、「也看得太仔細了吧」。