【負面宣傳法？】《Emoji大電影》劣評下票房贏《鄧寇克大行動》

近期最備受爭議的荷李活電影，非Sony投資的《Emoji大電影》莫屬，雖然電影宣傳強勁，但卻被美國專業影評人一致裁定為爛片，影評網Rotten Tomatoes的評分曾一度錄得0%，就算現在已上升至8%，不少美國報章的影評都給予電影負評，《紐約郵報》：「世界末日喇！」、《The Verge》：「我真係想死」、《The Wrap》：「折磨靈魂的災難」，似乎來屆金草莓獎都冇得走雞。

但電影負評不代表冇人睇，《Emoji大電影》於美國開畫單日成功大收1,050萬美元（約8,190萬港元）票房，竟成功打低神導基斯杜化路蘭的《鄧寇克大行動》單日票房冠軍，查理絲花朗的《原子殺姬》排第三；有分析指《Emoji大電影》成功做到「負面行銷法」，超大量負評反而吸引到人入場，正所謂「我就唔信你咁爛」，反而成功吸到票房，當然暑假旺季小朋友都去睇卡通片，細路仔也不會理專業影評人的評論，有得笑下便算，或許睇電影本應如此吧。