誤判｜甄子丹曾因《毒舌大狀》感壓力　吳鎮宇踢爆對方唔收工

電影《誤判》今晚舉行首映禮，吳鎮宇接受訪問時，指甄子丹每日提出問題，而甄子丹為咗吳鎮宇呢位大哥，都會準備定多個方案，又話每次對戲時，都會宏觀一點。而拍到法庭戲時，甄子丹都會問吳鎮宇意見，因為對方比較多經驗。「子華套戲（《毒舌大狀》）咁勁又咁好睇，我要拍都唔好太失禮，所以喺現場度嚟度去，大家認為唔太差先拍。」他又坦承因《毒舌大狀》而感到壓力，甚至一度唔想接拍。

吳鎮宇表示難得與許冠文合作，又爆對方十分好奇每事問，但這亦是自己值得學習的地方。「每套戲都有難處，都唔想阻人哋收工，但子丹一路都唔會放過我哋，好似pick up 返以前團火。」 唔收工嘅甄子丹表示是因為想令大家知道「唔係hea」，每日收工直去接剪室，享受透過螢幕睇大家演出，但他不敢預告票房，並大讚《破．地獄》嘅好，可以令自己做更好。