誤判｜許冠文變身大法官學派心　汪明荃讚Anson Lo揀歌有驚喜

許冠文、汪明荃、黃百鳴等昨晚出席新片《誤判》首映，由Hello文變大法官，許冠文雖然想嚴肅啲，但當佢喺現場學到派心技能後，即時無限派心，仲叫埋阿姐一齊派，十分可愛。

黃百鳴表示以一杯咖啡打動許冠文，而阿姐就只係一通電話就搞掂。阿姐表示由於角色吸引，加上陣容夠勁，所以答應演出。許冠文表示睇完《葉問》後，一直覺得甄子丹打得夠靚，可惜今次喺戲中飾演法官。「我有問『畀我打得唔得？佢話梗係唔得』」許冠文又笑言以前黃百鳴搵自己開戲時，都好想有打戲。問到有無信心《誤判》可承接《破．地獄》票房紀錄，許冠文即提黃百鳴加片酬。

汪明荃早前請Anson Lo任演唱會嘉賓，她表示一直想請「𡃁仔」合作，而Anson Lo每年到其家中拜年時，都食唔少蘿蔔糕，加上又剛好出新歌，於是一拍即合，但最意外是Anson Lo揀了《紫釵恨》，更大讚他表現不俗。