破．地獄︱楊受成博士慧眼拍曾被笑傻 加導演人工：送一間屋都得
撰文：莫匡堯
出版：更新：
香港殯儀題材電影《破．地獄》，由陳茂賢執導，兩代笑匠許冠文與黃子華攜手合作，與衛詩雅、朱栢康、周家怡、秦沛及金燕玲等主演。《破．地獄》團隊今日（18日）現身銅鑼灣海報劇照展揭幕禮，英皇集團主席楊受成博士與陳茂賢導演攜同許冠文、衛詩雅、艾妮及劉若寶幾位演員亮相，更即場宣布電影上映第10日便衝破6000萬票房大關，賣座程度前所未見！
楊受成博士與《破．地獄》導演陳茂賢，在活動上接受傳媒訪問，談到驕人票房成績時陳茂賢笑言：「通常我哋都唔估（最終數目）住嘅，希望越嚟越高，拍部戲都有啲訊息帶畀大家，所以越多人睇越好！」慧眼投資拍攝電影的楊博士，笑言起初《破．地獄》不被看好：「話我傻嘅！係咪錢多得滯、不如畀我啦！不過講真票房喜出望外！」
至於當初決定開拍時的信心來源，楊博士直言：「我係信導演、許冠文同黃子華三個，我唔信我自己嘅！同埋導演嘅往績好好，幫我拍咗兩套戲（《不日成婚》及續集）都賺錢，咁我就信曬佢！（有沒有獎勵給導演？）佢要加人工、加到我驚呀！（會否買樓盤有折扣？）唔駛！送一間都得呀！」
《破．地獄》上映版本中，因片長所限刪剪岑珈其及谷德昭飾演的角色，陳茂賢表示希望推出加長版，但亦笑言：「我想嘅、但交畀祖師爺啦！祖師爺會畀靈感我哋！」導演對製作電影加長版持開放態度，亦表示未考慮應該於影院或串流上推出。
衛詩雅於電影裡表現受高度好評，外界更認為有望問鼎金像影后，楊博士直言：「我最希望係攞啦！但係咁多人爭，唔知道有咩變數嘅，希望啦！」