武替道｜票房黑馬大收900萬　獲古天樂拍片支持︰有誠意熱血電影

致敬港產片龍虎武師的電影《武替道》，由梁冠堯、梁冠舜執導，劉俊謙、董瑋、蔡思韵、伍允龍等主演，早於9月26日正式在香港上映。至今上映一個月多，票房以黑馬姿態，逆市大收900萬票房，成績令人鼓舞。而更令人鼓舞是向來關注香港電影業界的古天樂，雖然該片並非自己公司出品，亦冇參與拍攝，但今日（31/10）都專程拍片祝賀，盡顯電影人團結精神。

《武替道》劇情講述董瑋飾演的息影動作指導李森，為昔日導演拍檔最後作品出山。劉俊謙飾演的動作演員李世龍，一直在電影苦無機會發揮，兩代動作演員的碰撞，憑這部合作電影希望令港產動作片再創高峰！或許是這個富本土特色的故事感動到古天樂，特別為電影拍宣傳片以示支持。

影片由導演之一梁冠堯Albert在社交平台分享，古天樂︰「《武替道》係一部非常之有誠意嘅電影，我知道兩位導演以前係做武師，佢哋將以前嘅經驗寫成劇本，拍咗呢部戲出嚟，呢部戲亦都係兩位導演第一次申請首部劇情，攞到政府資金支持去拍攝。《武替道》係一部非常有誠意熱血嘅電影，希望大家多多支持《武替道》，支持港產片！」