逆轉上半場｜梁詠琪指女兒盡得身高真傳鼓勵學劍撃：佢手長腳長

黃柏基執導，梁詠琪（Gigi）、陳湛文、凌文龍、梁雍婷、朱栢康及陳輝虹等主演新片《逆轉上半場》今日（1日）舉行開鏡拜神儀式。電影以足球為題材，適逢巴黎奧運熱潮，幾位演員受訪時均表示有欣賞比賽，Gigi更透露有意讓女兒學習劍撃。

香港劍撃選手江旻憓與張家朗先後拿下重劍及花劍個人金牌，創下港隊佳績，面對這股劍撃熱潮，Gigi表示有意讓9歲女兒Sofia學習劍撃：「可能報唔到名（劍撃），大家都好熱血，劍撃成為咗市民覺得係香港嘅運動，有機會嘅話都想鼓勵佢學，個女都好高，手長腳長，因為贏都係爭嗰兩cm，我唔識（劍撃規則），見張家朗隻手伸前得分，都會鼓勵佢（女兒）去學」。

此外，Gigi表示特別留意跳水項目，因為有得睇靚仔，又謂唔怕老公呷醋，會一齊睇；陳湛文就笑言轉台太多幾乎電視爆炸，有些從未接觸的運動，例如衝浪都好精彩，反而朱栢康就表示完全沒有收看任何比賽，因為屋企位置偏遠，接收不到電視台信號。