九龍城寨之圍城|打到去美加8月上映 預告自定城寨三大規條
撰文:許育民
出版:更新:
電影《九龍城寨之圍城》在港上映兩個月有多,香港票房已去到1億500萬,計及澳門更達1億1000萬,走勢凌厲。而電影更同期在東南亞一帶上映。去到8月9日,電影再會衝出亞洲,打到去美加上畫。日前,電影便公開一條美加版預告,預告內容以動作掛帥,更設定了在城寨生活的三大規條,叫大家千祈唔好亂嚟,因為搞事,命都冇!
影片經過剪輯,加上美式字款,有打機feel之餘亦帶點漫畫感覺。至於預告所講的三大規條,就以林峯飾演的陳洛軍,在戲中的遭遇解說,分別是唔好賣毒品、唔好豎敵,唔好製造麻煩。