九龍城寨｜鄭保瑞九展告別日去謝票　點知戲院已落閘一度被拒門外

九龍灣國際展貿中心昨日（30日）結束營運，正式與港人告別，這裡除了有電視台錄影廠、演出唱地，亦有戲院星影匯。在九展Last day，星影匯仍開到最後一刻，《玩轉腦朋友2》與《壞蛋獎門人4》等新戲都有場次，在下午2時45分開場，趕得及在5點九展關門前完場。

而過億票房的《九龍城寨之圍城》昨日都有舉行「星影匯一起說再見」謝票場，今次的謝票代表有監製莊澄、導演鄭保瑞、原著余兒，被稱為「幕後龍頭」謝票場，其後胡子彤更驚喜現身。不過，由於在戲院最後一套戲開場後，戲院已落閘，鄭保瑞去到戲院外竟一度食閉門羹，連導演都入唔到場。facebook專頁「與鈞同行 / Walking with TK 」就貼出一張當時的照片，只見已拉膠閘的戲院外有一個牌寫住九展結束營運的時間，鄭保瑞就在門外撳電話似乎搵人幫手開門，版主更為他和閘內職員加了句設計對白，場內的人說：「有個阿叔話自己係導演，要我放佢入場。」十分抵死！而最後，一眾謝票人員亦成功入場。