【隱形工種】吸糞初體驗！通渠月薪兩萬、入行零要求：屎唔係最臭

平日跌咗部電話落馬桶，就算個馬桶冇屎，你執起嗰下都會猶疑。而如果話你知有份工，每日就係跑勻全港九新界，清理由幾十個、幾百個陌生人造成嘅排泄物；相信人工再高都好，都未必咁多人肯制。
「吸糞通渠」講起嚟就好似一個都市傳說，你偶爾會聽見呢個行業，不過實際上佢哋提供咩服務？工作內容包括啲咩你又知唔知？我哋今次就派出記者，做一日限定嘅「吸糞實習生」，親身體驗呢個行業嘅工作實況，同埋只有行內人先體會得到嘅辛酸。