【一件事】22歲原居民廖偉濂反對丁屋政策：我不會用這個丁權

22歲的廖偉濂是新界原居民，也是香港眾志常委。
9月19日，他在立法會公聽會發言時拿出象徵官商鄉黑的黑色陽具出來，反對不公義的丁屋政策，明言自己不會使用這份特權。

有人認為他在立法會上拿出陽具，極不尊重，他這樣說：「立法會由一開始已是不民主的議會。當裡面有功能組別、政府還要在2016年不斷DQ議員，亦嘗試修改議事規則，我看不到議會有什麼值得我去尊重。」

他的矛頭，指向利用丁屋政策謀取暴利的人，「那些把持實權的人、特權階級透過勾結地產商，從中獲取暴利。地產商要在村連結不同的人，很需要一些領袖，這些領袖往往是村代表、村長。」他亦指出丁屋政策帶來分配不公，「政府的閒置土地中有九百多公頃預留作丁屋用途，即『鄉村式發展』用地。香港很多人居住得那麼擠迫，政府卻說一大片土地要預留興建丁屋，簡直匪而所思。」

香港眾志常委廖偉濂在立法會公聽會的發言全文：

各位大家好，我係香港眾志常委廖偉濂，亦係一個擁有「丁權」嘅新界原居民。一直以來，都有唔少朋友同我講，「你真係好好彩」，含著金鎖匙出世。喺呢個物業業權比一切都有價值嘅社會，由出世嗰一刻，我就已經贏咗。只要滿十八歲，我就可以入紙申請，免補地價起「丁屋」。呢項都明顯係屬於原居民嘅一種「特權」。

無一項特權會因為佢歷史源遠流長，而變得合理同公平。尤其當「丁權」只能夠靠氏族同性別嚟獲取，就更顯得佢嘅荒謬同落後。

事實上，「丁權」亦唔係一項「傳統權益」，1972年，即係只係40幾年前，「丁屋政策」先至提出，當時政府都講明呢一項係中短期措施，只係過渡政策。呢班親北京嘅鄉事派，竟然將早就應該失效嘅殖民政策，當成金科玉律，實在諷刺。

今時今日，新界原居民同其他香港人一樣，守同樣嘅法律，接收同樣嘅社福民生政策，但係土地資產上，就做左人生贏家。

我只係一個啱啱大學畢業嘅年青人，當然無可能即時起到一棟丁屋。但係，「丁權」呢樣嘢依然係好值錢。唔少原居民會選擇「套丁」比地產商，地產商繼而利用係新界囤積嘅土地，將「丁地」轉化為一幢幢賣幾千萬嘅豪宅。

單係賣「丁權」比地產商已經可以賺取數以十萬計嘅錢，更加未計同發展商將賣到嘅豪宅分帳。整個運作，就係地產商同一班貪婪違紀嘅新界原居民，係到瓜分香港人嘅土地！

1,300公頃閒置政府土地中，僅有三成左右嘅土地係劃作「住宅」或「商業／住宅」用地，另外個七成居然係劃作丁屋發展。「丁權」問題已經成為土地問題嘅無底深磹，政府唔係唔知道問題所在，只係唔敢向鄉事權貴開刀。

呢班鄉事權貴妄想「傳統權益」可以塞住全港嘴巴，但享受「丁權」好處嘅，只係一班做利益輸送嘅既得利益者。呢碌象徵著分配不公、官商鄉黑嘅丁，我唔需要。