港女GUCCI袋爛拉鏈嫌專門店維修貴　貪平寄淘寶店維修下場竟是...

這麽貴買個袋買個名牌袋總要好好「錫住用」，但當個手袋出現磨損、拉鏈出現問題時，通常都是第一時間送去專門店或專業護理店護理，但你又夠不夠膽把價值幾萬的名牌手袋送去淘寶店護理？

近日有位港人在FaceBook群組「淘寶開心share」分享其奇葩淘寶體驗，事源事主的Gucci手袋的拉鏈出現問題，導致無法正常使用，但有買名牌手袋的都知道，專門店有機會過了維修期後，要自己附上高昂維修費之外，有機會換條拉鏈都要等上好幾個月，在詢問專門店後，在香港換條拉鏈要價$1800，事主竟心生一計將手袋送去淘寶專門修理名牌袋店。

而該專門修理名牌袋店收費竟平足香港專門店十倍，只要價$180，事主便趁週末剛好上深圳玩，順道將手袋快遞到該淘寶修理名牌店，而該店只用了三天便完成修理並快遞送到香港，事主更在Facebook 群組介紹該淘寶修理名牌店予各大網民參考，「店名好攪笑，叫包拯」，但網民反應卻大相徑庭。

該貼文下面吸引不少網民在下面留言，網民留言反應兩極，因爲拉鏈是其中一個鑒定點之一，大部分網民質疑真假、「換包」等風險，亦有人驚嘆去專門店維修價錢太貴，「有冇將你正貨掉包變假貨？」、「專門店維修收$1800？我以前LV換拉鍊才$90」、「我善良地講間舖無換咗個袋，但個袋換完條拉鍊仲係咪真貨？」、「點解唔係羅湖城直接買個高仿？」。

雖然大部分網民質疑事主這個舉動，但也有少部分網民力撐事主，「包拯好出名，維修同洗袋都做的好好」、「可否分享連結」、「只有窮人先咁緊張『換左非原廠零件就唔係真』」。