舊區面臨清拆重建 「畫下嘢」留住香港昔日風景
市建局早前就士丹頓街/永利街重建項目向城規會申請放寬地積比率，在原為舊式唐樓的位置上興建20層高商住大樓，但就被批評毀舊區特色。近日，市建局決定撤回有關修訂方案。「本身繫好鐘意畫畫。所以都想用寫生認識返自己社區。畫返舊嘅回憶。」市區變改令人興嘆，卻也引起一群喜歡「畫下嘢」的人走入小街窄巷重新探索社區。這次他們來到上環士丹頓街，以畫筆為舊日香港留痕。
畫過長沙灣、中環永和號以畫保留本土記憶從事設計行業的彭啤，去年11月與另一位同樣喜愛畫畫的友人成立「畫下嘢 Wahayeah」專頁，定期舉辦城市速寫活動。「本身好鐘意畫畫，所以都想用寫生認識返自己社區，畫返舊嘅回憶。」
之前畫下嘢召集一眾愛畫之人，去過長沙灣、中環永和號、跑馬地山村道54號大宅、北角繼園街等繪畫舊區面貌，兼與參加者分享該地的社區故事。
來到上環永利街，背後亦有故事：「2010年有套電影叫《歲月神偷》，令大家了解返永利街嘅情況，將佢由原本嘅重建範圍剔咗出嚟。不過依家佢嘅重建區擴大曬，喺附近嘅城皇街呀、華賢坊西、華賢坊東同埋下面嘅士丹利街呢幾個部份都計劃撥入重建。」
街坊路過感好奇坐低一齊「畫嚇嘢」
活動當日天色陰暗，一直下着毛毛細雨。彭啤先在集合地點舊必列者士街街市前（將改建為香港新聞博覽館）簡單講解士丹頓街重建區背景及當日活動流程，然後便着參加者自由活動。
「大家自由活動啦，兩個半鍾、三個鐘左右。可能佢對呢個街角有感覺嘅，就會坐低畫呢個街角。之後我地會排曬啲畫出嚟，互相欣賞返大家嘅作品啦。然後會邀請返嗰位朋友仔講解返點解畫嗰個角度，有冇遇到咩特別趣事呀。」
喜歡舊唐樓：下面做生意上面住 充滿生活感「自己中意舊唐樓系因為佢個騎樓同採光嘅。依家好少建築的露台會貼近街道。」
彭啤認為唐樓與樓下生活環境貼近，是令舊區充滿人情味的原因。「檔主自己做返生意，唔系大集團嗰種營運。老闆同街坊關係密切，都系我喜歡舊區嘅原因。下面就係做生意嘅地方，佢哋就住喺上面。覺得繫好充滿生活感嘅建築方法、生活方式。我覺得呢啲地方香港系值得保留，而唔系變曬洋樓。」
遇好奇街坊帶埋狗狗一齊畫舊區的人情味，除在本土電影或舊日相片的浮光掠影中品味，彭啤與畫下嘢的參加者曾親身體會：「之前都去過唔同區接觸街坊，有啲街坊住咗好多年，好驚喜。或者會話『點解咁多人過嚟畫畫嘅，我哋住呢度都冇乜特別啫。』亦都試過有啲街坊放狗嘅時候，見到我哋畫畫就帶埋只狗仔一齊坐低畫畫。」
上次畫下嘢在北角繼園街寫生，也有住在樓上的小朋友特意回家拿畫具一起畫畫。
今次在上環，也有路過的街坊見數十人坐在樓梯畫畫，好奇駐足觀看或是搭話。亦有畫友與附近商鋪的老闆攀談，尤如街坊街裏。
畫後Sharing畫者解構畫作導賞後是作品分享環節，三十人在樓梯圍圈，再將當日畫作放在一起仔細端詳畫友的作品。然後由畫者向眾人解構自己畫作，例如畫了什麼、為什麼要這樣畫、畫畫時的想法、對周邊環境的特別觀察等，亦有團友會主動稱讚「畫得好靚喎」「呢個角度好特別」「我鐘意佢啲線條」，氣氛輕鬆自由。
彭啤表示今次的活動有很多新面孔，時間較緊迫下只能選擇部份作品分享「之前都會揾返每位參加者share(分享)返各自感受嘅，差唔多每幅都會講，成個sharing會有個零鍾。」
參加者：望捉緊香港尾巴Elaine有在分享會中展示畫作,又帶同妹妹Maggie參加她表示已數次參加畫下嘢市區速寫，不過是第一次來上環畫畫。
家在元朗的Elaine，認為中西區保留了香港獨有風貌，「譬如叮叮（電車）呀，其他地區系冇嘅。我就好鐘意畫呢啲舊嘅區、舊嘅境。」
「雖然我唔系見證住香港嘅成長，不過起碼都可以捉緊香港嘅尾巴，睇到好舊嘅景色。」Elaine表示雖然喜歡畫畫，卻更希望這些風景能繼續留在畫框以外。因為沒有風景，也不會有寫生。「好想之後我老咗都有呢啲舊嘅香港景，可以陪住我成長。」