MIRROR演唱會意外Anson Lo被鬧冷血　連登仔理性護航：反應唔切

MIRROR演唱會一部掛於半空的大電視突然墮下，擊中兩名舞者阿Mo和阿峯，其中阿Mo更頸椎重傷。意外發生當刻Anson Lo亦在台上，但被指反應極慢甚至繼續唱歌，態度冷血。面對嚴重指控，雖然連登仔經常自稱「反鏡」，但今次都講道理，甚至為Anson Lo講好說話。

MIRROR演唱會昨（28日）晚發生嚴重事故，用威吔掛於半空的其中一部大電視突然墮下，擊中兩名舞者李啟言（阿Mo）及張梓峯（阿峯）。兩人都是與成員Anson Lo經常合作的舞者，曾出現於《Megahit》及《King Kong》等Anson Lo歌曲MV，阿Mo更是Anson Lo大學時期已認識的好友，有多年交情。

意外發生當刻Anson Lo亦在台上，正與隊友Edan表演《Elevator》，兩人起初背對事發現場，及後聽到驚叫聲及燈光驟停，回頭才發現有人受重傷。Edan先走上前了解，Anson Lo則被指反應極慢，甚至在轉身走向阿Mo後仍繼續唱歌，步姿亦相當風騷。

👉MIRROR演唱會郭富城指「監製最清楚」　回帶跳唱天王歷代世一舞台

連登有網民批評Anson Lo冷血：「一個正常人見到咁嘅情況，已經即刻衝埋去睇咩事幫手，仲喺度扭屎忽慢慢行過去，仲繼續唱歌，同我講人性？」雖然平時討論區「反鏡」情緒高漲，不過今次很多人都保持理性，更反過來力撐Anson Lo及MIRROR：「正常都唔會expect紅館發生咁大意外啦，比唔到反應係好正常」、「講到Anson Lo唱少兩句救得返咁，根本歌手係完全唔知發生咩事」、「Anson Lo自己都係Dancer出身，點會想身邊啲dancer出事」。

同場加映：MIRROR演唱會｜多國外媒報道阿根廷都跟進　荷蘭媒體：恐怖時刻

MIRROR於 28日晚上舉行第4場演唱會期間，有大型螢幕墜下砸中台上兩名舞者，需立刻送院，令演唱會腰斬。演唱會發生嚴重事故消息震驚國際，多國媒體都報導MIRROR意外，有外國媒體更形容為「恐怖時刻」。👉👉👉MIRROR演唱會｜多國外媒報道阿根廷都跟進　荷蘭媒體：恐怖時刻