Omicron後遺症｜確診網民分享8大超困擾徵狀 成日聞到燶味、怪味
【Omicron/後遺症/味覺/疫苗】香港疫情仍然嚴峻，每日確診數持續破萬，有網民在網上討論區發文，指自己確診之後，除了一般的味覺滅退之外，更不時會聞到怪味。帖文一出即引來大量網民留言，指自己都有同樣後遺症，覺得十分困擾。
👉Omicron丨有新冠病徵但屋企無藥食點算？醫生教9個方法舒緩喉嚨
網民「WinBB」在連登討論區發文「一人一個中左omicron之後嘅身體變化」，指自己以前十分愛吃辣，感染了新冠肺炎之後，「變得喉嚨受唔到辣」，亦有網民表示，經常聞到「燒燶味」，甚至「聞唔到嘢」。
以下為網民整理出的8大後遺症：
1.變得喉嚨受唔到辣，明明以前好食得辣。
2.味覺真係差咗，依加食嘢覺得個味道無之前咁好食。
3.除咗食好辣好香嘅野有感覺之外，食個出前一丁都冇乜…
4.雖然仲有興趣睇美女相、圖，但性慾真係大大減少。
5.心房好明顯感覺到心跳，同啲血喺度流動。
6.成日聞到陣怪味、燶味，有時仲聞唔到嘢，去大便都唔覺臭。
7.組織慢咗好多，平時一下就諗到，宜家起碼慢幾秒，行路都明顯慢哂。
8.虧咗好多，好易攰，一攰就要即刻坐一坐或者恰陣，唔係會頂唔順。
👉疫苗接種新要求｜康復者打針注意3個關鍵日期 教你計疫苗通行證
世界衛生組織的官網中，列出了常見的新冠後遺症，包括：
乏力
呼吸急促或呼吸困難
記憶力、注意力或睡眠出現問題
持續咳嗽
胸痛
說話困難
肌肉痛
喪失嗅覺或味覺
抑鬱或焦慮
發熱
官網又補充，指根據目前研究，感染COVID-19後，患者可能會經歷數周到數月的遺留症狀，情況會隨著時間改善。不過目前仍很難預測，後遺症會持續多久。
同場加映：香港90後女醫生打齊3針仍確診 長文分享自救經過：一定要食呢樣嘢
香港疫情大爆發，除了普通市民之外，不少醫護人員都中招，最近有90後公立診所家庭醫生，在Facebook及Instagram上分享自己的確診自救經歷，包括有病徵但快速檢測陰性，以及藥品的選擇，應對的心得等等。👉即睇醫生點自救👈