港鐵4線故障　其實係苦心提醒港人：上車真係唔容易

「喺香港，上車真係好難」唔一定用喺買樓，地鐵只要壞車，全香港齊齊經歷上唔到車之苦。
香港年輕人、打工仔，咁辛苦為乜？上車囉！

多謝港鐵今日四條線崩潰，
令香港人不論係年輕人，
定係打工仔，
都對「上車」呢兩個字有新認識。

今時今日談及上車，
未必人人有共鳴，
不過講到「上班」，
就一定個個都知咩事，

今日當個個都想上車，
大家死等爛等，
以為總有一刻可以上到，
結果係架架車都滿座。

相關文章：
行街最怕遇到5種人　喼神、人牆　俾條路行下得唔得？

你肯等你肯捱，
就可以上到車喇咩，
你只要係中途站，
唔好講話上車，
排隊都冇你份，
知唔知點解？
因為你個站唔夠有利，
唔係你嘅錯，
係你輸在起跑線上。

你會覺得，
只要我肯等，
總有一刻會到我，
可能你等得來，
已經收工。
有時仲有會接駁巴士，
美其名比多一個選擇你，
不過上到車果個，
永遠都唔會係你，

相關文章：
「土地大辯論」有無你心水土地用途？年輕人：冇屋住講咩基建

咁係咪個個都上唔到車呢？
咁又唔係嘅，
有時好彩都會上到一兩個，
成功上咗車，
望住沿路等車的人，
有人覺得自己可以俯瞰眾生，
有人會為仲等緊車的人祈禱，
但佢哋都有一樣的諗法，
以為可以去到自己想去的地方。

其實上咗車，
只係一切的開始，
因為一上車，
你就番唔到轉頭，
只可以一直搭著去，
當然可以早途落車，
但你等車、車費、心血，
都會一下子煙消雲散，
你甘唔甘心？

今日「上車」盛況：

我諗起錢鍾書先生的《圍城》，
「圍在城裏的人想逃出來，
城外的人想衝進去」
係巴士、係樓市、係香港。

相關文章：
只有將軍澳人才懂7件事　商場圍城　康城輪迴

好似吹大咗，
冇咩事我返出去做嘢先，
利申我今日行路返公，
上唔上到車唔關我事，
我唔識。

過期大學生
曾經的大學生，80後老鬼，身老心不老，自問玩盡大學3年，勁爆回憶同美好經歷，足以講足30年。