【父親節】暖男「嚴謹」張達倫 繼女與親生仔會差別對待嗎？
說起張達倫（Max），大家可能會立即想起《愛回家》中的「嚴律師」、暖男等等的字眼，現實中他也是一個溫柔、充滿父愛的爸爸兼繼父。
張達倫（Max）最為人熟悉的角色，
相信是《愛回家》中的嚴謹。
劇中嚴謹玩世不恭，
但最終與霞姐安穩下來，
更成為一對龍鳳胎的爸爸；
而在《不懂撒嬌的女人》中，
張達倫飾演的「牆頭草」Oscar，
為了女神Annie，
即使沒有名分也為她照顧兒子；
再到今年年初的劇集《平安谷》，
張達倫與蘇玉華飾演夫妻，
並成為了蘇玉華女兒的繼父。
爸爸、沒名分的爸爸、繼父…
張達倫都演過，
各個角色都顯露父愛爆棚。
劇本以外的張達倫，
又是怎樣的爸爸呢？
是爸爸、是繼父、亦是朋友
現實中的Max，
其實是一子一女的父親，
他有一個8個月大的兒子Zachary，
和一個15歲的繼女Chloe。
對兒子Zachary來說，
Max是一個新手爸爸。
但對繼女Chloe來說，
他除了是繼父還是一個朋友。
比起刻意與Chloe建立感情，
特別去討好繼女，
Max更傾向細水長流的相處方式。
「我覺得大把時間㗎嘛，
我又唔係求一刻嘅令佢同我close啲，
我覺得慢慢嚟嘅都要，
一急起上嚟佢只會走姐。」
他說現在的年輕人跟以前的不一樣，
不能只懂得架著一副長輩的樣子，
而是要像對待朋友一樣跟他們分享，
「有時講吓我哋依一行嘅嘢佢又好想知啊，
佢以前連劉德華係邊個佢都唔知㗎，
（以前）佢唔睇香港電視個啲㗎，
依家就梗係迫佢睇啦，
佢依家先知邊個叫張達倫應該，哈哈」！
繼父不易做？
在電視、電影、卡通片中，
奸險惡毒的繼父母並不罕見，
好像灰姑娘的情節更是深入民心。
在旁人眼中，
繼父母也許是個吃力不討好的角色，
但對Max來說，
繼父的角色其實很簡單，
「我淨係覺得我都要令佢感覺，
『我都係你爸爸嚟㗎』，
我要令佢覺得其實佢生活都好完整嘅。」
繼父同爸爸身份上係有唔同嘅，爸爸點樣都係爸爸 ，繼父就只不過係因為生命上嘅轉變而令我出現。我只不過對佢係我個女咁姐，我冇越過界去做佢爸爸所做嘅嘢 ，但只不過我都應該做返一個繼父，佢永遠有啲乜嘢我都會出嚟幫佢。
被女兒觸動內心情感
提起與女兒最難忘的回憶，
Max說有一次，
女兒的親生爸爸不在香港，
而老婆又因懷孕不方便出門，
他要獨自送女兒到機場乘飛機找她的爸爸。
就在離別的一刻，
Max突然感受到內心有強烈的情感，
「個女好似都好唔捨得你咁，
嗰一刻我就覺得，咦，幾有感覺，
感覺係依依不捨啦。」
【演員血淚】入行10年沒人識？ 拍完場戲被製片話「冇預你食飯」
「我未試過一刻佢畀我嘅感覺係，
『我唔得啊依個，
依個爸爸我唔可以同佢一齊生活』」
Max說，他一直把Chloe當作女兒一樣，
給予對方足夠的愛，令大家生活愉快。
而他亦知道女兒內心是很清楚的，
「佢曾經表達比佢媽咪聽，
『我知道Max都好鍚我㗎啦』，
咁我覺得已經足夠啦。」
由繼女為親生仔改英文名
在Max眼中，
Chloe從來無需別人擔心。
但即使女兒未曾透露絲毫不滿，
Max仍然主動地要令女兒感覺，
家中所有的事情她都有份參與。
【演員血淚】做華Dee一夜成名 3年演過15句對白「演藝係鬥長命」
就好像他和太太到歐洲拍婚照時，
Chloe也有一起去；
還有當弟弟Zachary出生後，
Max把改英文名的重任交給Chloe，
「我想令佢覺得依個真係你細佬嚟嘅，
所以我哋畀咗一個英文名佢改，
Zachary就係佢改，我就畀咗個重任佢。」
雖然全部都並非甚麼大事，
但這些平凡小事拼湊起來，
每個過程都令他們建立了感情。
從未想過會做爸爸
無論角色內外，
張達倫都充滿父愛，
但原來在真正成為爸爸之前，
Max一直都沒有想過會有這一天。
「有啲人好希望自己做一個爸爸㗎嘛，
或者想知道自己個細路仔會係點㗎嘛，
我就一路都冇依個感覺嘅。」
他說以前不知為甚麼常有種感覺，
自己不會結婚、不會生小孩子，
直至遇上太太Kimmy，
才讓他徹底改變了想法。
「以前唔明㗎，
依家就完全知道咩叫
生BB之後完全改變咗囉，
無論生活習慣好，無論思想好。」
【母親節】細個一定會對媽媽講過的大話 冒簽 拍拖 還有什麼？
Max的兒子Zachary在去年10月出生，
自此他的生活亦有180度的轉變。
以前常常跟太太二人世界，
食飯、看電影、行山...
但自Zachary出生至今，
這8個月來他們一次二人約會也沒有。
因為「依家好想所有嘢都想一齊做囉，
去旅行好、行山好，所有野都一齊。」
比起二人世界，Max更想全家人一起過。
「以前有出去飲酒，同朋友傾計啊，但依家直頭冇啊。
最近一次出去飲酒係因為要睇今年最重要嘅決賽...
但都唔enjoy，個心都係掛住屋企。」
兒子成生活動力
Max說之前試過外出公幹4天，
回來發現兒子好像已經長大了一點，
看起來變得不一樣。
自此，他盡可能也不想外出公幹，
因為不想再錯過兒子成長的每分每秒了。
【JW王灝兒化身一日麵包店店長 「好珍惜街坊街里同小店嘅關係」】
「依家返工有時悶得濟未埋位，
就會攞佢（兒子的片段）出嚟，
『哎呀！好得意依條片』，
以前徐榮做我就話
『你係咪傻㗎?你做乜嘢啊？』
依家我就知道，真㗎原來，
個感覺幾得意㗎，望住條片你會笑㗎。」
Max邊甜笑邊說，
自己看影片的程度簡直像吃藥一樣，
每日分3次，每4小時又看一次。
而每次看到兒子就會像充滿電一樣，
有了動力，也有滿滿的幸福感覺。
養兒方知父母恩？
Max與父母的關係一直不錯，
他坦言，一生人最滿足的事情，
就是一家人「愛到不得了」的感情。
「我老豆光頭㗎，
我可以鍚落佢額頭啊、
我攬佢啊，完全唔覺得尷尬。」
雖然一直都很愛和感謝父母，
但當自己成為爸爸以後，
他才發現自己對父母原來太過「老奉」。
好像心情差的時候會發脾氣，
現在才知道父母會有多心痛。
【YouTuber波仔夥家姐拍出真摰姐弟情 家姐哽咽：好自豪有呢個細佬】
「好簡單你駁嘴，
對daddy聽到已經好心傷...
依家終於知道點解個細路仔如果大個唔理你，
都幾傷嘅一件事...咁愛嘅養咗佢咁耐，
佢突然有一日話唔愛你喎，
依件事應該hurt過你男朋友同你講分手呀！」
他一邊說一邊露出心傷的神情，
說著說著他笑笑說，
「講起都想喊，唔好諗，哈哈」
承傳爸爸的愛
「我爸爸都係一個，
咁耐以嚟我諗我嘅記憶中，
佢未打過我， 我幾曳佢都唔會打我。
你感覺到嗰種錫你啊、無私嗰種大愛。
我學到囉，所以我都想咁樣對住呀仔，
點都好啦，我點都鍚你㗎啦！」
Max最希望把他一直在父母身上感受到的愛，
承傳到他的子女身上。
【元朗肥姐賣蠔餅照顧病女：試過炸炸下蠔餅流眼淚 感激街坊支持】
這幾年來，
Max從兒子、變為到繼父、再到父親，
今年是他第一個真正以父親身份過的父親節。
「我幾期待今次嘅父親節，
因為我哥哥又做咗爸爸，
3個父親一齊過父親節，都幾開心！」
他說一家人在一起的話，
吃晚飯已經很滿足很幸福了。
他亦祝天下的爸爸，
可以跟他一樣有個開心的父親節。
我祝大家同我一樣父親節快樂！