【90後回憶】初代YouTuber Ruby Close「網民改變我好多」

說起Ruby，你有沒有立即想到一個人？不是你身邊的朋友，而是一個初代YouTuber，你還記得她嗎？
無錯，就是「Ruby Close」了！想當年她的影片紅遍全港，成為90後的成長回憶。

拍YouTube、做YouTuber，
現在聽起來不是甚麼新鮮事。
但在8年前，有一個叫Ruby的女生，
因為拍了一段批評試場老師英文差的片，
放上YouTube後令她「一夜成名」。
網民紛紛批評女生沒有禮貌、
指她自己的英文也錯漏百出，
根本是「五十步笑百步」。
而到了8年後的今日，
大家也許已把Ruby遺忘，
並且對YouTube片見慣不怪。
現在回頭看那段Ruby的「成名作」，
你們有不同的感想嗎？

欣賞自己那時的勇氣

比起8年前，
現在的Ruby減了Baby fat、
少了一份稚氣、
更增添了成熟的氣息。
現在看回片段中8年前的自己，
她第一反應是笑著直呼「好可愛！」
但一邊看影片的時候也忍不住取笑自己，
「哈哈，好核特囉我！仲要懶係串咁！」
她說已經忘記了自己說過這些話，
又笑當時的英文口音和語氣都很「作狀」。
「但其實我依家睇返，
我都覺得幾搞笑呀！唔搞笑咩？
我仲要拎住個袋係到做sit up喎。」

【網絡插畫家Johnee Lau成功不代表發達買樓「人生唔止一個方向」】

那時候的她從沒有想過，
當時純粹想「搞吓笑」的影片，
最終竟會獲得如此熱烈的反應，
並在一夜之間成為全城熱話。
雖然好像要被全世界攻擊自己，
但她完全沒有後悔拍過這些YouTube片。
現在看回去那時自己的確有點魯莽，
但最大的感受還是欣賞當時的勇氣，
「我諗依家真係做唔到啦。」

小時候想做就去做

Ruby說當時有拍片的念頭，
是因為小時候的自己特別祟洋，
經常覺得自己是個「鬼妹仔」。
加上那時候很喜歡看一個叫
Peter Chao的外國YouTuber，
久而久之便萌生了要模仿他拍片的想法。
正好當時正值會考期間，
溫習溫得悶了便真的開始拍起片來。
起初她拍的片多是閒話家常，
但一次考試的時候，
剛好遇著試場老師說英文的事件，
於是她靈機一動把此事作為片段題材，
就這樣這條片就成為了她最紅的片段。

【演員血淚】做華Dee一夜成名　3年演過15句對白「演藝係鬥長命」

「其實我都好佩服自己，
嗰陣想做就真係做咗出嚟。」
她承認自己小時候比較大膽，
會不顧後果且坐言起行。
「好細個嘅時候，
參加過啲beauty品牌比賽，
佢派咗一大堆sample畀我…
咁我又要拉票喎，
咁我都好佩服自己，
我真係可以拎sample落街，
搵啲唔識嘅人同學生啦，
話『Hello！我參加咗個比賽呀，
你幫我投票啦，我送sample比你』
而最後真係贏咗第一嘅，
嗰陣完全無諗過啲人會點睇我囉。」

咁我想同返個陣17歲嘅自己講啦，你好大膽同埋敢作敢為，我覺得你嗰時都無錯嘅，你做依件事令所有人都記得你，係好好嘅經歷。

片段爆紅後　一個月不敢出街

也許是因為由細到大都習慣了「想做就做」，
因此拍這段片之前也不覺得有甚麼問題。
直到片段爆紅後她頓時成為眾矢之的，
她便覺得：「條片出咗之後真係驚嘅，
因為所有人都攻擊自己呀嘛。
睇啲留言就會覺得『死啦，
我係咪真係得罪咁多人呀。』」

記得當時網民不斷批評Ruby，
除了罵她是港女、「MK妹」，
還笑她英文說得難聽。
她記得一個最深刻的指罵就是，
「點解你爸爸媽媽，會生個咁嘅女出嚟㗎？」
她覺得這除了是對她人身攻擊，
還攻擊了她的爸爸媽媽。

【大碼女生】肥不能當歌手？90後街頭歌后：就算肥都有人聽我唱歌

事件發生後，
Ruby有整整一個月不敢出街，
連爸爸媽媽外出吃飯，
她也只可以請他們幫忙買飯盒。
當真的要出門考試的時候，
她也只好戴著口罩，
怕別人認出自己。
「有次考試排隊嗰陣，
真係聽到前面啲人講，
『你依排有無睇ruby呀？』
跟住我就避同撳電話，
驚佢哋認得我囉。」

網民批評改變自己

然而到了今時今日，
Ruby已經對這些指控「免疫」，
任何批評都已經沒有「攻擊性」。
現在她反而覺得：
「網民意見改變咗我好多。
起碼畀我知道就係要諗咗人感受先囉。
其實依家睇返件事，啲人真係話得岩嘅，
我係真係唔尊重個老師。
咁佢始終為人師長啦，
咁我無理由無啦啦批評佢㗎嘛。」

【成也網絡‧敗也網絡】山野女生談人身攻擊　「話豬西我都冇法」

即使當時受盡大眾的指罵，
但Ruby說沒有後悔拍過這條影片，
反而是感到很慶幸。
「我覺得依條片係令我接觸到更多嘅嘢。」
好像是接受訪問、拍照做Model等等，
假如不是因為那段片段，
她便沒有機會接觸這些事情。
「因為有依條片先有今天嘅我，
間唔中睇返啲90後回憶啲片，
睇到自己就會覺得原來我都成為一份子。
嘩！好開心呀，原來大家都仲記得我。」

17歲就是任試的年齡

轉眼間Ruby今年已經25歲，
她認為現在的自己比較收儉、
懂得尊重和會考慮別人感受。
而17歲的自己則較行事魯莽、
不夠成熟而且貪玩。

我都想同17、18歲嘅你哋講，你哋依家都可以好似我以前咁敢作敢為。即係你哋諗到啲idea呀，千祈唔好驚做咗先啦，因為你仲細嘛，唔好諗咁多啦，一定唔會令你後悔嘅！

彩蛋：「點解會有Ruby Close？」看完整片段！