【微辣霍哥血淚史】遇車禍跛腳致警察夢碎　上擂台打拳尋回自我

微辣上的霍哥，要不然是溝不到女的毒L，或者是帶變態笑容的淫霍，否則就是笨實的上班族，抑或是戇直的警察。
多種角色背後，他自己最喜歡的就是警察，因為一個個的「辣警察故事」替他圓了兒時的夢。而兒時的夢，除了是當警察，還有打一輩子籃球，但因一場意外，兩者消失得無影無蹤。

人們常說搞笑藝人是對人歡笑背人愁，
沒有一定的歷練，
又怎能引起他人共鳴？
就如笑匠占基利所說，
「人沒嘗過絕望的滋味就不會學習到甚麼，
若你不曾絕望過，就不會是有趣的人」。
在微辣藝人霍哥身上的，
是兩個破碎了的夢。

中學生活=20％讀書+80%打波

第一個夢，是籃球夢。
從小霍哥就長得高大，
小五時便被招攬入籃球隊。
中學生活幾乎全由籃球擠滿，
「朝早返去會打波，放個小息嗰4個字會打，
中午食完飯早啲返學校會打半個鐘，
放學嗰日無波練嘅，
會留低喺學校打到5點半或者6點先至走。
跟住星期六、日
會自己約喺街場度打或者返學校打」，
他更指自己中學時期有八成時間打籃球，
兩成時間才是讀書。

和一眾隊友合力之下，
將中學籃球隊由丁組打上甲組，
為學校爭取了前所未有的佳績，
更是屢屢打敗運動強校贏得冠軍。
霍哥這個稱號也是從球場上得來，
一次贏出比賽，也為他帶來一個尊稱。
家裏有關體育的獎牌，霍哥說有20多個。

天雨路滑+一個不看路的婆婆=悲劇

在籃球場上跟隊友合作無間，
令他們萌生一個念頭，
就是畢業之後要組隊打一輩子的籃球。
但就在中學畢業之後，
霍哥遇上意外。
「我揸電單車嘅，嗰晚落住啲毛毛雨，
有個阿婆就突然之間擔住把遮衝出黎，
我就避佢啦，
一避咗就成個嘭咗喺地下度，
拖行咗一段期間。」
最初只是以為左腳扭傷，
但兩星期後腳傷仍未消腫，
教練直指不妥，於是去照X光。

「嗰時都係諗住係（韌帶）撕裂。
最大嘅心理準備係去到呢個程度，
點知原來個醫生話唔止呀，
側副韌帶成條斷咗，
跟住十字韌帶撕裂、半月板耗損，
三樣嘢都係嚴重。」

重返賽場夢碎

此時的霍哥仍抱有希望，
等待做手術的兩年間，
他一直都認為，
只要手術配合物理治療，
終有一天他能重返籃球場，
跟隊友再度征戰。

但術後一次物理治療時，
醫師戳穿了這個幻想，
「學習緊屈腳嗰陣時，
都已經痛到流眼淚，
佢同我講隻腳都只係有返八、九成肌能。
佢個feel係，就算你而家幾痛都好啦，
痛完你都係冇得打波㗎哈哈」。
雖然霍哥笑著憶述，
可是該刻的絕望，其實旁人都聽得懂。

霍哥變成跛佬霍

球場上輝煌的霍哥，
在炒車之後，
被改了個「新朶」——跛佬霍。
「球場上有班人會唔鍾意你，
嗰班人直程係望住你『喂，跛佬霍！』，
你又冇得衝過去𡁻佢喎，
你跑唔到呀嘛。」
霍哥變跛佬霍，
心情好像由天堂跌落地獄。

之後隊友找他打波，
他仍然會出席，但不會落場比賽。
坐在觀眾席看著新中鋒，
他說感覺很複雜，
「我覺得自己勁揪過佢啦，見住佢打波，
我會諗如果係我，我入咗喇；
如果係我，我防死咗佢喇。
咁但係冇如果㗎嘛，
係整親就整親，係換咗人就換咗人」。

關節易移位　走路隨時會仆親

膝頭上的18厘米傷痕，
限制的不只是打籃球，
還包括跑步，甚至日常走路。
由於手術效果不佳，
一旦他不小心踏錯步，
左腳關節便會移位，
成個人重心不穩跌倒在地，
「有一次試過跌坐喺地下度喊，
喺度諗點解會咁，
點解會發生喺自己身上面㗎」。

腳傷也敲碎了第二個夢，警察夢。
平日愛軍佬打扮的霍哥，
坦言自小便想做警察，
若非一場意外，
他可能已經加入警隊，而非微辣。

曾經怨天，
也曾經惱怒那個走路不長眼的婆婆，
然後霍哥轉化悲憤為食量。
入大學之後，
他整天飲酒去蒲，
少做運動，長胖了不少，
最高峰有達205磅，
「身體嗰方面我已經唔諗，
係咪都冇㗎喇，咁咪唔諗囉，
食到有問題先算囉」。

獲邀打拳　找回當初那團火

直至自己放到網上的搞笑短片
獲得微辣創辦人六毫子垂青，
邀請他加入微辣，其後成為藝人，
霍哥生活才有了新目標。

偶然一次機會，
他認識了拳館師傅，
並邀請他打比賽，
令他重新找回運動員的熱血，
「天人交戰嘅，你隻腳仲係痛㗎嘛，
諗咗一輪，我就決定畀個挑戰自己，
死就死啦！」
答應了的，不只是參加拳賽，
還是跟以往大吃大喝的生活道別，
「唔想再做以前嗰個自暴自棄嘅自己，
真真正正係搵一個目標，
幾辛苦都好，要捱落去」。
於是霍哥開始了接連數月的訓練。

由跑20分鐘便腳痛　練至環山跑

對普通人來說，
跑20、30分鐘也許不太辛苦，
但由於腳傷，霍哥會跑到腳震兼腳痛。
而且打拳還要訓練被打、踢腳，
也要練習被掃腿，包括受傷的左腳，
「掃嘅話係用佢隻腳一鞭鞭埋嚟，
好似你嗱起隻腳俾人攞碌棍一嘢打落去咁」。
反覆的練習、忍痛，
霍哥由20分鐘跑程提高至40分鐘、1小時，
甚至環山跑兩個圈，
他看著自己的極限不斷被打破，
「醫生話唔可以做劇烈運動呀嘛，
但係反而我隻左腳，可以連續踢100腳」。
以往認為自己不可能的、
他人覺得不可行的，
原來要實踐了才知道真正結果，
「嗰場比賽對我改變好大。
唔好咁睇低自己」。

故事鼓勵網友重新打波

雖然比賽仍是輸了，
但霍哥找回那團火，
以往的動力、正能量都找回來了。
在比賽前他錄了一段真心話，
講述這個故事，結果也觸動了好些人，
「最大滿足感係，有個人inbox我，
佢睇完我條片後，
佢就搵返佢啲隊友出嚟打場波，
好開心咁打咗一晚，
我就覺得好窩心，
又真係畀到一啲正能量人哋」。

以搞笑短片傳遞正能量

現時心結已經解開，
他也不再抱怨，
「係一場車禍拎走咗我兩個夢，
但係我發現，
好老套咁講係一個命運嘅安排」。
因為意外，他不得不放棄了當警察的夢想，
轉折成為一個藝人，
透過搞笑短片傳遞正能量，
也以自己的人生故事帶給讀者一個信息——
「好多人就話唔得唔得，
我而家就係畀一個幾衝擊嘅事你睇，
就係一個跛嘅人可以練到上台打拳，
有啲咩係唔得㗎呢。」