【雙胞胎成長日常】證件衣服胸圍共用　剪頭髮連男友都傻傻分不清

雙胞胎發生的機率，為百分之一。當一粒受精卵不知為何自行分裂成兩個胚胎，兩胚胎便會有相同的基因，外表亦會非常相像。
這個同卵雙生的情況，創造了梁丹瑤（Yoyo）及梁丹瑩（Tina）。

【點擊「全螢幕」觀看影片】

同為26歲的兩人，
外表驟眼看上去十分相似，
最大分別是現時姐姐頭髮較長，
妹妹髮尾只到肩膊。
定睛一看，
其實也會發現，
Tina的眼睛較Yoyo長。

不過除此之外，
兩人聲線一樣，
穿衣風格也相像。
「身型差唔多，會share啲衫嚟着。」
「有時我哋share胸圍嚟着。」
Tina的補充令Yoyo忍不住笑着反白眼。

交換校呔入中學　細孖話「好驚」

兩人如此相像，
外人總會幻想她們交換身份。
Yoyo及Tina坦言細膽，
從未試過交換身份上學，
或是幫對方考試。
以往曾共用健身室證、補習社證，
她們笑言只能節省一點金錢。

但唯一一次交換身份，
是Tina心血來潮換上Yoyo的校呔，
闖入姐姐的中學遊覽，
「我哋冬季校服差唔多，條呔有啲唔同。
嗰次交換咗條呔即刻衝入間中學，勁驚，
我覺得佢老師呀啲人好似全部望住我個樣」。
回望過去，
小小歷險叫Tina有點「唔夠喉」，
她笑說如果當初兩人不同年份考公開試，
她會考慮讓中英文科成績較好的Yoyo代考語文，
然後念理科的她就可代姐姐應考數學。

兩人極相似　男友也煩惱

外表一樣，
甚至令男朋友也有點煩惱。
近來Tina剪了頭髮，
而姐姐就留長，
就衍生了一件趣事。
「嗰次我突然剪咗短頭髮，
佢就好唔開心。
嗰日同佢傾偈佢都唔敢望住我，
就算同枱食飯都唔正面望我，
係斜斜哋咁望。
佢之後同我講，
因為你太似家姐。」
Tina一邊描述一邊大笑。

興趣一致　畢業後從事相同行業

除了外表，
兩人的興趣其實也近乎一模一樣。
自小她們愛看動漫、喜歡畫畫、鍾愛日系男星，
雖然入讀不同大學，
但其實是念同一科，
「嗰陣特登揀唔同學校，大家會學唔同嘢」。
畢業後兩人從事同一行業，
更分別開設個人插畫facebook專頁。

心靈感應？　「睇電視劇先有」

這樣相似是因為雙胞胎嗎？
她們認為是自出生以來都一起生活，
於是喜好互相影響。
但也因喜好相近，
一度引來兩人對心靈感應的疑惑，
「我哋曾經去過一個food court，
分開買嘢食，我哋買嘅係一樣，
同一間餐廳、同一個餐」。
然而相處廿多年，
兩人很肯定雙胞貽沒有神奇的心靈感應，
「睇電視劇先有呢啲事……
如果心靈感應知道佢係遠處做緊咩，
呢個係冇㗎。」
姐姐答得斬釘截鐵。

一人吃零食另一人矇眼猜　四次估中三次

本着記者的好奇，
她們兩人應《開罐》邀請進行遊戲測試。
事前問兩人，
他們還搖頭笑說：
「都話咗冇心靈感應，你做咩係都唔信。」
事實是否如此？
可從遊戲結果得知端倪。

當姐姐先矇上眼睛、戴上耳筒聽歌，
而妹妹則在五款零食中選擇吃花生，
拍了拍姐姐的肩膊，
對方眼罩也不脫便問是否花生；
由姐姐換上試食，
拿起一撮點心麵放進口，
妹妹又估點心麵。
每人各估兩次，
四次共有三次猜對，
事後Yoyo也忍不住說：
「超自然嘅事可能喺呢個攝影棚度發生咗。」

比朋友更熟悉　較家人更親密

由出生開始，
便認知到一個跟自己如此相似的人存在，
到底是怎樣的感覺？
Tina形容比朋友更熟悉、較家人更親密，
「因為佢理解我，
連男朋友都冇咁了解」。

結果是當對方逐漸結識新朋友甚至男朋友，
另一方會妒忌。
「佢識男朋友對我嚟講係一個成長過程。」
Yoyo說，
「佢最親嗰個人應該係我嚟，
佢識咗個男朋友咁就變咗。
嗰一段時間係（對Tina男友）有啲睇唔順眼」。
「跟住佢嬲囉。跟住喊囉。」
Tina笑着道破姐姐的糗事。
惟她也認真說，
雖然不用姐姐首肯才能結交男朋友，
但姐姐的支持卻是非常重要。

兒時競爭　長大後互相激勵

親密背後，
兩人一起長大，
無形競爭反而比普通姊妹更激烈。
Tina對兒時往績更是念念不忘，
「我好記得考完琴，
拎住張分紙同佢講『我高分過你呀』。
我小學升咗A班（精英班），
特登同佢講『我叻過你』」。
說罷哈哈大笑，
姐姐則立即反擊，
「你（鋼琴）叻過我都冇用，
你之後都冇用到」。
兩人針鋒相對，
不停互窒，
卻又笑笑口說大家早已習慣。

但談起現時兩人的插畫專頁，
兩人反而是互相激勵，
「唔會認為佢係競爭對手，
如果佢啲畫醜樣，
我會直接話佢，哈哈。
即係會互相提醒。
佢而家出書，
我都唔會話嬲佢有人賞識，
會戥佢開心」。
Tina說。

半年後再見姐姐　「佢好似發光咁」

兩人出生至今仍然睡在同一間房，
不過也有分離的時候。
Yoyo大學時有半年到韓國交流，
是兩人離別得最長的一段時間。

雖然兩人聲稱沒半點不捨，
但當Tina其後赴首爾探望Yoyo，
看到姐姐的那刻感覺到現在還是相當深刻，
「一見到佢，佢咁啱著白色衫，
嗰吓我覺得佢好似發緊光咁。
真係好耐、好耐冇見。
嗰吓有少少感動」。
Tina事後畫了漫畫記錄該刻畫面，
畫中的她眼睛也在發亮。

「如果有得揀，
下世會唔會再要好似對方咁嘅孖生姊妹？」
兩人想也不想就點頭，
「好好呀其實而家，
即係有個人永遠喺身邊」。
縱然她們斷言否認心靈感應，
但雙胞胎的連結卻確實密不可分，
即使日後結婚、搬離屋企，
Yoyo也認為兩人會繼續做鄰居，
繼續衣服兩份分，
依舊作為對方生活不能分割的一部分。